ەرلەرگە كەڭەس: 8- ناۋرىزعا سىيلىق تاڭداۋ - فوتو
قىزدارعا گۇل سىيلاۋ ءبىرىنشى كەزەكتەگى شارۋا، الايدا وعان قوسىمشا تاعى دا ءبىر تارتۋ جاساۋ كەرەك بولارى انىق. Onliner رەسۋرسى باعاسى اسا قىمبات ەمەس ءارى پايدالى سىيلىقتاردىڭ بىرنەشە نۇسقاسىن ۇسىنادى.
سمارتفون جابدىقتارى
قىزداردا قىزىل ءتۇستى iPhone نەمەسە باسقا دا ءبىر قۇندىلاۋ سمارتفون بۇرىننان بار بولۋى مۇمكىن. ونىڭ سوڭعى ۇلگىسىن ساتىپ اپەرۋ ارينە قىمباتقا سوعادى. سوندىقتان باعاسى تارتىمدى ءارى كەز كەلگەن ادامنىڭ كوڭىلىنە جاعاتىن سىيلىقتىڭ ءبىرى - سەلفي تاياقشاسى.
ويتكەنى تاريحي عيماراتتىڭ الدىندا نەمەسە ءبىر توپ دوستارىڭمەن بىرگە سۋرەتكە تۇسۋگە بۇل قاجەت قۇرال. ونى تاڭداۋدا سۋرەتكە تۇسىرەتىن باتىرماسى بارىنا باسىمدىلىق بەرىلۋى ءتيىس. ويتكەنى، اۆتوپورترەتكە تۇسكەن سايىن تايمەردى قويىپ وتىرۋ ىڭعايسىزدىق تۋدىرادى.
وعان قوسا كەتەتىن دۇنيەنىڭ ءبىرى پورتاتيۆتى Power Bank قۋاتتاندىرعىشى. كەيىنگى شىققان سمارتفونداردىڭ باستى كەمشىلىگى - قۋاتتىڭ تەز تاۋسىلۋى. وسى دۇنيەنى سىيلاساڭىز سۇيىكتىڭمەن بايلانىس ۇزىلمەيدى دەگەن ءسوز، ونىڭ تەلەفونىنىڭ قۋاتى تاۋسىلىپ بايلانىس اياسىنان تىس قالمايدى.
ساز تىڭداۋعا قاجەتتى جابدىقتار
ءان تىڭداۋدى ۇناتاتىن قىز-كەلىنشەكتەرگە شاعىن ءارى جەڭىل قۇلاققاپ بەرۋگە بولادى. بۇل ءۇشىن ساپالى برەند قۇلاققاپ تاڭداۋعا، باعاسىن قىمباتسىنساڭىز ءپىشىمى، ءتۇرى ۇقسايتىن بالاما ءارى باعاسى تومەن ءتۇرىن الۋعا دا بولادى.
MP3-پلەەرلەر قازىر اسا تانىمال ەمەس. دەيتۇرعانمەن وسى سەگمەنتتە دە سىيلىققا جارايتىندارى از ەمەس. ولار شاعىن ءارى ساز تىڭداۋشىلارعا تاپتىرمايتىن گادجەت. ەڭ قىمباتى ارينە Apple-عا تيەسىلى. الايدا قىتايلار دا وسى شاعىن قۇرىلعىنىڭ نەشە ءتۇرلىسىن جاساپ تاستاعان.
نوۋتبۋكتىڭ سومكەسى
قازىر اركىمنىڭ جەكە نوۋتبۋگى بار. سوندىقتان وعان قوسىمشا - ادەمى ءارى ايرىقشا سومكە قاجەت. قازىر ءونىم جاساۋشىلار نارىقتى سومكەنىڭ قىزىلدى-جاسىلدى پىشىندە ءارتۇرلىسىن جاساپ تولتىرىپ تاستاعان. ولاردى تاڭداعاندا سومكەنى يىققا ءىلىپ الاتىن قوسىمشا باۋى بارىنا زەر سالۋ كەرەك.
سوسىن كەز كەلگەن نوۋتبۋككە كەرەك دۇنيە - سىمسىز ءتىنتۋىر. بۇل قۇرىلعىنىڭ كوپ تۇرلەرىنىڭ تەحنيكالىق تۇرعىسىنان ءبىر بىرىنەن اسا ايىرماشىلىعى جوق. سوندىقتان ونى جاساۋشىلار سىرتقى اسەمدىگى مەن پىشىمىنە باسا ءمان بەرەدى. ال سىرتى قىزىل ءارى كوركەم سۋرەتى بارى - سىيلىق ءۇشىن تاپتىرماس دۇنيە.
اس ءۇيدى ەستەن شىعارمالىق
كەز كەلگەن قىز-كەلىنشەك تۇرمىستىق نەمەسە اس ءۇي تەحنيكاسىنا قىزىعا قارايدى. سوندىقتان جوعارى تەحنولوگيالىق اسپاپ بولماسا دا قاراپايىم ءارى پايدالى اس ازىرلەيتىن جابدىقتىڭ ورنى ەرەكشە.
ەگەر باسپاناڭىز قالاداعى شاعىن پاتەردە بولسا وندا اس پىسىرەتىن ۇلكەن توق پەشكە ورىن جوق دەگەن ءسوز. سوندىقتان شاعىن كولەمدى روستەر (شاعىن پەش) ايەل ادامعا ادەمى سىيلىق بولار ەدى. ولار بىرنەشە قىزدىرۋ بولشەكتەرىمەن جابدىقتالعان، ءارى گريل رەجىمىندە دە ەت قاقتاي الادى.
ءۇي شارۋاسىنا امبەباپ كومەكشى ول - مۋلتي پىسىرگىش. ول سۇيىق استى قايناتادى، كارتوپتى قۋىرادى، بالىشتى پىسىرەدى. ۋاقىتتى ۇنەمدەيتىن، ءتۇرلى تاماقتى ازىرلەي الاتىن ىڭعايلى قۇرىلعى.
ەگەر ۇيدە مۋلتي پىسىرگىش بار بولسا وندا ناقتى ءبىر مازىرگە لايىقتى اسپاپتى ىزدەۋ كەرەك. ايتالىق بالا كەزدە جەگەن ۆافەلدىڭ ءدامى ۇمىتىلمايدى. ال ۆافەل ازىرلەيتىن قالىپقا اسا ءبىر كوپ فۋنكتسيالى ءتۇرىنىڭ قاجەتى جوق.
قازىرگى كەزدەگى وسىنداي قالىپتار تەمپەراتۋرا رەتتەگىشپەن جابدىقتالادى، كۇيمەيتىن سىرمەن بويالعان. قاجەت دەسەڭىز ءىشى قۋىس، جۇرەكشە، كونۋس ءتارىزدى تۇرلەرىنە ارنالعاندارى دا بولادى.
اس ۇيگە قاجەتتى، ءارقاشان ەسكەرىلە بەرمەيتىن جابدىقتىڭ ءبىرى - تارازى. ونىڭ مەحانيكالىق نەمەسە ەلەكتروندى تۇرلەرى بار. ولاردىڭ ءارقايسىسىنىڭ وزىندىك ارتىقشىلىقتارى بار. ەلەكتروندى ءتۇرى گرامنىڭ جۇزدەن ءبىر بولىگىنە شەيىن تۋرا كورسەتەدى، ءارى اباقتىڭ سالماعىن الىپ تاستاي الادى. سونىمەن قاتار، ولاردا تاعامنىڭ ەنەرگەتيكالىق قۋاتىن، حولەستەرين قۇرامىن ەسەپتەپ بەرەتىن تۇرلەرى دە كەزدەسەدى. بىلايشا العاندا داستارحانداعى شاعىن ءارى قاجەتتى كومپيۋتەر.
ارينە كوكتەم مەرەكەسىنىڭ باستى نىشانى - گۇل. كەيبىر ازاماتتار گۇلدى وزدەرى تاڭدايدى. الايدا قانداي گۇل سىيلاۋ كەرەكتىگىن جەتە بىلمەيتىن بولساڭىز، ەڭ دۇرىسى گۇل ساتۋشىنىڭ كومەگىنە جۇگىنگەن ەڭ دۇرىسى. ولار گۇلدەردى تاڭداپ، گۇل شوعىن جاسپا بەرۋمەن قاتار، وعان قوسىمشا نە سىيلاۋعا بولاتىنىنا كەڭەس بەرەدى.
