كوكشەتاۋدا 8 -ناۋرىز مەرەكەسىنە ورايلاستىرىلعان ارزان ازىق-تۇلىك ونىمدەرىنىڭ جارمەڭكەسى وتۋدە
جارمەڭكەگە اقكول، اتباسار، بۇلاندى، شورتاندى اۋداندارى جانە وبلىس ورتالىعى اۋىل شارۋاشىلىعى تاۋارلارىن وندىرۋشىلەر قاتىسۋدا.
وعان قوسا، ارشالى اۋدانىنداعى «يجيەۆسكي» وندىرىستىك كووپەراتيۆى، بۋراباي اۋدانىنداعى «بەرەكە اگرو» ج ش س ، سەلينوگراد اۋدانىنداعى «Capital Project Ltd» ج ش س شاقىرىلعان.
وبلىستىق اۋىل شارۋاشىلىعى باسقارماسىنىڭ مالىمەتى بويىنشا، بۇل جولى جارمەڭكەگە 48 ءتۇرلى ازىق- تۇلىك اكەلىنىپتى. ولاردىڭ جالپى قۇنى - 356,1 ميلليون تەڭگە، كولەمى - 517,5 توننا بولادى.
ونىڭ ىشىندە 76,8 تونناعا جۋىق ەت پەن شۇجىق، 1,7 توننا بالىق، 215 مىڭ دانا جۇمىرتقا، 64 توننا ۇن مەن ماكارون، 35,5 توننا كارتوپ، 45,2 توننا كوكونىس، 5,3 توننا قانت، 13,5 مىڭ ليتر كۇنباعىس مايى، 18,2 توننادان استام ءسۇت جانە وزگە دە اۋىل شارۋاشىلىعى ونىمدەرى جەتكىزىلگەن.
جارمەڭكەدە ۇسىنىلعان ازىق- تۇلىك باعاسى قالا بازارلارى جانە دۇكەندەرىمەن سالىستىرعاندا 15-20 پايىز ارزانعا ساتىلۋدا.
اۆتور: اسلان وسپانوۆ
