قازاقستان بەنزين باعاسى ەڭ ارزان ەلدەردىڭ رەيتينگىندە 8- ورىن الدى

استانا. قازاقپارات - قازاقستان بەنزين باعاسى ەڭ ارزان 178 ەلدىڭ رەيتينگىندە 8- ورىن الدى، دەپ حابارلادى Global Petrol Prices باسىلىمىنا سىلتەمە جاساپ قازتاگ.

رەيتينگى بويىنشا، قازاقستاندا بەنزين باعاسى 1 ليترگە $0,38 تۇرادى. بۇل رەتتە ونىڭ باعاسى قاراستىرىلىپ وتىرعان كەزەڭ ارالىعىندا 2015-جىلعى 2- قاراشا مەن 2016-جىلعى 8- اقپان ارالىعىندا وزگەرمەگەنى ايتىلادى. ال وسى ارالىقتا الەمدە بەنزيننىڭ ورتاشا باعاسى 1 ليتر ءۇشىن $1,18 بولدى.

تۇركمەن رەيتينگى 4- ورىن الدى ($0,29)، رەسەي - 16- ($0,46)، قىرعىزستان - 18- ($0,5)، ءازىربايجان - 19- ($0,51)، بەلارۋس - 23- ($0,55)، گرۋزيا - 39- ($0,73)، ۋكراينا - 32-($0,73)، تاجىكستان - 44- ($0,74)، مولدوۆا - 54- ($0,80)، وزبەكستان - 70- ($0,86).

قالعان پوستكەڭەستىك ەلدەردە 1 ليتر بەنزين باعاسى $1 دان اسادى. ارمەنيا 105- ورىن الدى ($1,04)، ەستونيا - 110- ($1,08)، ليتۆا - 118- ($1,13)، لاتۆيا - 121- ($1,14).

رەيتينگ بويىنشا ەڭ ارزان بەنزين ۆەنەسۋەلادا ($0,02) ، كۋۆەيتتە ($0,22) جانە ساۋد اراۆياسىندا ($0,24). ەڭ قىمباتى - موناكودا ($1,66)، نيدەرلاندتا ($1,71) جانە گونكونگتا ($1,79).