مي-8 تىكۇشاعى اپاتقا ۇشىرادى

استانا. قازاقپارات - پسكوۆ وبلىسىندا اسكەري مي-8 تىكۇشاعى اپاتتى جاعدايدا قونۋعا ءماجبۇر بولدى، سالدارىنان 4 ادام قازا تاپتى، دەپ حابارلايدى BBC اگەنتتىگى.

«تىكۇشاق اپاتىنىڭ ورنىنا كەلىپ جەتكەن قۇتقارۋ-ىزدەستىرۋ توبىنىڭ ەسەبىندە، اپات سالدارىنان ەكيپاج قۇرامىنداعى ءۇش ۇشقىش پەن ءبىر تەحنيك نۇسقاۋشى قازا تاپقانى كورسەتىلگەن»، - دەلىنگەن ەلدىڭ قورعانىس مينيسترلىگى تاراتقان اقپاراتتىق حابارلامادا.

مي-8 تىكۇشاعى وستروۆ اۋە ايلاعىنان پسكوۆ وبلىسىنا جوسپارداعى وقۋ-جاتتىعۋ ۇشۋىن جۇرگىزگەن. ەكيپاجبەن بايلانىس جەرگىلىكتى ۋاقىتپەن 19:21 دە ءۇزىلىپ كەتكەن.

قازىر اپات ورنى قورشالعان، سول جەردە رەسەي ت ج م قىزمەتكەرلەرى جۇمىس ىستەۋدە. وقيعا ورنىنا اسكەري كوميسسيا جىبەرىلدى.