قازاقستاندا 8 جاسار قىز العاشقى بالالار ديزاينەرى اتاندى - فوتو
سانمەن اينالىسۋ ونىڭ ءحوببيى رەتىندە باستالعان.
«ءبىر جىل بۇلىن ول ءسان كورسەتۋگە قاتىستى. سودان ول بۇدىرلى بىلعارى كۇرتەشە، بىلعارى شورتى كيگىسى كەلەتىنىن ايتتى، دۇكەندەردى ارالاپ، تاپپادىق. سوسىن ءوزىمىز تىكپەكشى بولدىق. ول كيىپ شىققاندا دوستارىنىڭ انالارى قىزىعىپ، قايدان العانىمىزدى سۇراي باستادى. بىزدەن تىگىپ بەرۋىمىزدى ءوتىندى. سودان كەيىن قىزىم قازاق ويۋلارىمەن دجينسي كويلەك كيگىسى كەلەتىنىن ايتتى. سۋرەتىن سالىپ بەردى. سوسىن دۇكەندەرگە سابىلعانشا، تىگىپ بەرۋدى ءجون سانادىق»، - دەدى اناسى ءمادينا مۇراتوۆا.
ءمادينا قىزىنىڭ تالعامى جوعارى ەكەنىن اتاپ ءوتتى. ونىڭ ۇلگىسىن كيەتىندەر دە كوبەيە ءتۇستى. «سوسىن قىزىمنىڭ ءحوببيى رەتىندە كيىم تىگۋمەن اينالىسۋدى شەشتىك. ول سۋرەتىن سالىپ بەرەدى. مەن تۇزەتەمىن، كەڭەس بەرمىن. ايانا كۇندە سۋرەت سالادى، كەيدە ۇلگىلەرى ەرەكشە بولىپ شىعادى»، - دەدى اناسى.
قازىر اناسى مەن قىزى جاڭا ۇلگىلەردى ويلاستىرۋدا.
«اتەلەمەن شارت جاساستىق. قاراشادا قالادا FWA ءسان اپتالىعى ءوتتى. سودان كەيىن تاپسىرىستار دا كوبەيدى. قىزدار ايانا سياقتى كيىنگىسى كەلە باستادى. ءبىز ستيل برەندىن Ayana Styles دەپ اتادىق، قازىر تاپسىرىستار مەن ۇسىنىستار كوبەيدى، ەندى استاناداعىلارمەن ىنتىماقتاسپاقپىز»، - دەدى م. مۇراتوۆا.
ايانا ءوزى بيگە قاتىسادى، دەفيلە، ۆوكالعا بارادى. مەكتەپتە جاقسى وقيدى، مەنتالدى اريفمەتيكامەن شۇعىلدانادى. ول وسكەندە شىعارماشىلىق كاسىپتى تاڭدايتىنىنا سەنىمدى.
