21:23, 26 - قاراشا 2015 | GMT +5
ق. توقايەۆ پەن ق. جاقىپوۆ پارلەمەنتتىك اسسامبلەيانىڭ 8- وتىرىسىنا قاتىستى
سانكت-پەتەربور. قازاقپارات - سەنات ءتوراعاسى قاسىم-جومارت توقايەۆ پەن ءماجىلىس ءتوراعاسى قابيبوللا جاقىپوۆ باسقارعان قازاقستان سەناتورلارى مەن ءماجىلىس دەپۋتاتتارىنىڭ دەلەگاتسياسى سانكت-پەتەربوردا ۇجىمدىق قاۋىپسىزدىك شارت ۇيىمى، پارلەمەنتتىك اسسامبلەيانىڭ 8- پلەنارلىق وتىرىسىنا قاتىستى.
جيىن لاڭكەستەر قولىنان قازا تاپقانداردى ءبىر مينۋت ۇنسىزدىكپەن ەسكە الۋدان باستالدى.
پارلامەنت دەپۋتاتتارىنىڭ 8- پلەنارلىق وتىرىسىنىڭ كۇن تارتىبىندە شامامەن 18 سۇراق بولدى، سونىڭ ىشىندە 15- ۇ ق ش ۇ- عا مۇشە مەملەكەتتەردىڭ لاڭكەستىك پەن ەكسترەميزمگە قارسى ءىس- قيمىلدار جۇرگىزۋ، سىبايلاس جەمقورلىقتىڭ الدىن الۋ جانە وعان قارسى كۇرەس جۇرگىزۋ، تابيعي جانە تەحنوگەندىك سيپاتتاعى توتەنشە جاعدايلار تۋىنداعان كەزدە شەكارا ماڭىنداعى ىنتىماقتاستىق، گۋمانيتارلىق كومەك سالاسىندا ۇلتتىق زاڭنامانى جاقىنداستىرۋ جانە ۇيلەستىرۋ ۇسىنىستارى بويىنشا جوبالار.
وتىرىس جۇمىسىنا العاش رەت پاكىستان، يران پارلامەنتارييلەرى، سونداي-اق قىتاي وكىلدەرى قاتىستى. ولاردىڭ قاتىسۋى تۋرالى شەشىم ۇ ق ش ۇ مەن ش ى ۇ- نىڭ ىنتىماقتاستىعىن دامىتۋ ماقساتىندا قابىلداندى.
