ەستە ساقتاۋ قابىلەتىن جاقسارتۋ ءۇشىن تاۋلىگىنە 8 ساعات ۇيىقتاۋ كەرەك - عالىمدار

استانا. قازاقپارات - ۇيقىنىڭ ادام اعزاسىنىڭ قالىپتى قىزمەتى ءۇشىن وتە ماڭىزدى ەكەنى بەلگىلى.

بۇل رەتتە لوندونداعى اۋرۋحانالاردىڭ ءبىرىنىڭ ماماندارى زەرتتەۋ وتكىزىپ، سونىڭ كومەگىمەن تولىققاندى ءومىر تىرشىلىگى ءۇشىن ۇيقى ۋاقىتىنىڭ ناعىز قاجەتتى سانىن انىقتاۋ مۇمكىن بولدى.

دارىگەرلەردىڭ ايتۋىنشا، ادام ودان نە كوپ، نە از ەمەس - 8 ساعات ۇيىقتاۋى ءتيىس. كەيىن ەستە ساقتاۋ قابىلەتىنىڭ بۇزىلماۋى ءۇشىن اعزانىڭ دەمالۋىنا ءدال وسىنداي ۋاقىت قاجەت.

عالىمدار ەمحانا پاتسيەنتتەرىن بەلگىلى ءبىر ۋاقىت باقىلاپ، كۇن سايىن 8 ساعاتتان ۇيىقتاعاندار ادامداردىڭ بەت- بەينەسىن جاقسى ەستە ساقتاعانىن بايقادى.

تاجىريبە بارىسىندا ماماندار زەرتتەلۋشىلەرگە ۇيىقتار الدىندا ادامدار بەينەلەنگەن 20 فوتوسۋرەتتى كورسەتىپ، ولاردىڭ ەسىمدەرىن اتادى. ۇيقىدان تۇرعان كەزدە بارلىق ادامداردى ەسكە ءتۇسىرىپ، ولاردىڭ ەسىمدەرىن اتاۋ كەرەك بولدى.

ناتيجەسىندە، تاۋلىگىنە 8 ساعات ۇيىقتاعان ادامدار بۇل تاپسىرمانى باسقالارىنا قاراعاندا 12 پايىزعا جاقسى ورىنداپ شىقتى.

بۇل زەرتتەۋگە 20 جاستاعى ەرىكتى ازاماتتار قاتىستى. الداعى بولاشاقتا عالىمدار باسقا جاس كاتەگوريالارىندا دا وسىنداي تاجىريبەلەر وتكىزبەك.