اقتاۋدا پارا العان شەنەۋنىك 8 جىلعا سوتتالدى

استانا. قازاقپارات - اقتاۋ قالالىق سوتىندا ماڭعىستاۋ وبلىسى جەردىڭ پايدالانۋى مەن قورعالۋىن باقىلاۋ باسقارماسىنىڭ بۇرىنعى باستىعىنا قاتىستى قوزعالعان قىلمىستىق ءىس ءوندىرىسى اياقتالىپ، سوت ۇكىمى شىقتى، دەپ حابارلادى اتالعان سوتتىڭ باسپا ءسوز قىزمەتىنەن.

باستى سوت تالقىلاۋىندا زەرتتەلگەن دالەلدەرىمەن سوتتالۋشىنىڭ كىناسى راستالدى.

ياعني، ول پارا بەرۋشىنىڭ نەمەسە ونىڭ وكىلى بولعان ادامنىڭ پايداسى ءۇشىن اقشا تۇرىندە پارا العان.

اقتاۋ قالالىق سوتىنىڭ ۇكىمىمەن وعان ق ر قىلمىستىق كودەكسىنىڭ 366-بابى 3-بولىگىنىڭ 4-تارماعىمەن كىنالى دەپ تانىپ، 8 جىلعا باس بوستانىعىنان ايىرىلۋ جازاسى تاعايىندالدى. سونىمەن قاتار، سوت ءومىر بويى مەملەكەتتىك قىزمەتپەن اينالىسۋ قۇقىعىنان ايىرىپ، وزىنە تيەسىلى جەكە مۇلكىن تاركىلەۋدى ۇكىم ەتتى.

ۇكىم زاڭدى كۇشىنە ەنگەن جوق.