سولتۇستىك قازاقستاندىقتار قىتايداعى سەرىكتەستەرىمەن 8 بىرلەسكەن جوبا جۇزەگە اسىرىلادى
ولاردىڭ ءبىرى - كولىك- لوگيستيكالىق ورتالىق قۇرۋ. بۇل تۋرالى ق ر پرەزيدەنتى جانىنداعى و ك ق س ق و فيليالىندا وتكەن بريفينگتە وبلىس اكىمىنىڭ ورىنباسارى مۇحتار مانكەيەۆ ءمالىم ەتتى.
«ينۆەستيتسيالاردى، سونىڭ ىشىندە شەتەلدەن تارتۋ بويىنشا جۇمىس جۇرگىزىلىپ جاتىر.
2015 -جىلدىڭ 9 ايىنىڭ قورىتىندىسى بويىنشا نەگىزگى كاپيتالعا قۇيىلعان ينۆەستيتسيالار 2014 -جىلدىڭ سايكەس مەرزىمىمەن سالىستىرعاندا 1,4 ەسە ارتىپ، 109,2 ميلليارد تەڭگەنى قۇرادى. ولاردىڭ ىشىندە 2015 -جىلى ونەركاسىپكە قۇيىلعان ينۆەستيتسيالار 18,1 ميلليارد تەڭگەنى قۇرادى»، - دەدى م. مانكەيەۆ.
قازىر ينۆەستيتسيالىق پورتفەلى 150 ميلليارد تەڭگەنى قۇرايتىن 14 جوبا بويىنشا شەتەلدىك كومپانيالاردىڭ ينۆەستيتسيالارىن تارتۋ ماسەلەسى قارالىپ جاتىر. ق ح ر- مەن بىرلەسىپ 8 جوبانى جۇزەگە اسىرۋ كوزدەلگەن. بۇل كولىك- لوگيستيكالىق ورتالىق قۇرىلىسى، تىگىن ءوندىرىسىن قۇرۋ، جەل ەنەرگيا گەنەراتورلارىن ورناتۋ، ءداندى داقىلداردى وڭدەيتىن زاۋىت قۇرىلىسى، مايلى داقىلداردى وڭدەۋ زاۋىتىنىڭ قۇرىلىسى جانە ت. ب.
2015 -جىلدىڭ ماۋسىمىندا «قازگەولوگيا» ا ق ىنتىماقتاستىق جونىندە قول قويىلعان كەلىسىمگە سايكەس، اۆستراليالىق «Iluka Resources Limited» كومپانياسى س ق و- دا گەولوگيالىق بارلاۋ جۇرگىزەدى.
