08:28, 20 - قازان 2015 | GMT +5
اتىراۋدا ي م جاقتاسى 8 جىلعا تەمىر تورعا قامالدى
اتىراۋ. قازاقپارات - اتىراۋدا سوت تەررورلىق ۇيىمعا قاتىسى بار دەگەن ايىپ تاعىلعان 23 جاستاعى قالا تۇرعىنىنا 8 جىل جالپى رەجىمدەگى كولونياعا قاماۋ تۋرالى ۇكىم كەستى.
«سوتتالۋشى ق ر ق ك- نىڭ شەتەلدىك قارۋلى قاقتىعىستارعا قاتىسقانى ءۇشىن، تەرروريزمدى ناسيحاتتاعانى جانە ادامداردى تارتۋ ىسىمەن اينالىسقانى ءۇشىن جازا تاعايىنداۋدى قاراستىراتىن بىرنەشە بابى بويىنشا كىنالى دەپ تانىلدى.
جاس جىگىت ەگيپەتكە بارىپ، اراب ءتىلىن ۇيرەنگەن. ءبىلىم الىپ جاتقان ۋاقىتتا ول ۇنەمى سيريادا سوعىسىپ جاتقان ادامدارمەن ينتەرنەت ارقىلى بايلانىستا بولعان. وقۋىن بىتىرگەن سوڭ ول تۇركيا ارقىلى سيرياعا اتتانعان. ول جەردە ول «يسلام مەملەكەتى» سودىرلىق توبى قۇرامىندا سوعىسىپ جاتقاندارعا قوسىلۋى ءتيىس بولعان. الايدا تۇرىك شەكاراشىلارىنىڭ قولىنا تۇسكەن. وسىدان سوڭ تۇركيا بيلىگى ونى قازاقستانعا جونەلتۋ تۋرالى شەشىم قابىلداعان. ەلگە جەتكەن سوڭ ونىڭ سوت الدىندا ءىسى ءۇشىن جاۋاپ بەرۋىنە تۋرا كەلدى»، - دەلىنگەن وبلىستىق سوتتىڭ حابارلاماسىندا.
