س ق و- دا جىلىنا 8 مىڭ توننا ءونىم وندىرەتىن قانت زاۋىتى اشىلادى

شال اقىن اۋدانىندا وراق ناۋقانى باستالدى. وبلىس اكىمى جۇمىس ساپارىمەن وسى اۋداندا بولىپ، ديقاندارمەن كەزدەستى.
ەڭ الدىمەن، ءوڭىر باسشىسى «ازكو جاڭاجول» ج ش س ەگىن القاپتارىندا بولىپ قايتتى. ديقاندار وراق ناۋقانىنا تولىق دايار.
قاۋىزىنان شىعىپ تۇرعان سارى التىندى جيۋعا تەحنيكا پاركى دە، قول كۇشى دە جەتەرلىك كورىنەدى. جالپى ديقاندار قاۋىمى ارىق ايتىپ، سەمىز شىققاندى ءجون كورەدى. جاعدايدى سۇراي قالساڭ، ءالىپتىڭ ارتىن باعىپ، «اۋا رايى جاقسى بولسا» دەپ جاۋاپ قاتادى.
جالپى اۋدان بويىنشا 231 مىڭ گەكتار جەرگە ەگىن ەگىلگەن. ونىڭ 17,5 گەكتارى مايلى داقىلدار بولسا، 185 مىڭ گەكتارى ءداندى-داقىلدار، 22 مىڭ گەكتارعا بىرجىلدىق ءشوپ سەبىلدى. جوسپار بويىنشا گەكتار ءتۇسىمى 15-20 تسەنتنەردەن اينالاتىن كورىنەدى.
بۇدان سوڭ، ءوڭىر باسشىسى اۋدان ورتالىعىنداعى 11 جىلدىق №2 -مەكتەپتىڭ جاعدايىمەن تانىستى. بۇندا 100 بالاعا شاقتالعان شاعىن ورتالىق اپتاسىنا 5 كۇن جۇمىس ىستەيدى. بالالار قازاق، ورىس تىلدەرىندە قاتار وقىتىلادى. مەكتەپتە 51 مۇعالىم قىزمەت ەتەدى.
بۇدان سوڭ اۋدان بيۋدجەتىنىڭ كىرىس جانە شىعىس بولىگىن ورىنداۋ ماسەلەلەرىنە ارنالعان جيىن وتكىزىلدى.
«اۋىلدىقتار ءۇشىن ماڭىزدى كەزەڭ - وراق ناۋقانى باستالدى. وعان وبلىس جاقسى دايىندىقپەن كەلدى. تەحنيكانىڭ 99 پايىزدان استامى دايىن. بيىل 17 ميلليارد تەڭگەگە تەحنيكا ساتىپ الىنعان بولاتىن. وسى جۇمىس جالعاسىن تاپپاق. وبلىس بويىنشا بيۋدجەتتى قالىپتاستىرۋدا قاجەتتى كورسەتكىشتەرگە قول جەتكىزە الماي وتىرمىز. رەسپۋبليكا دەڭگەيىندە جاعداي جامان بولماسا دا، اۋداندارعا كەلگەندە جۇمىس اقساپ تۇر. شىعىستى قىسقارتۋ كەرەك»، - دەپ اتاپ ءوتتى جيىن بارىسىندا ءوڭىر باسشىسى.
وبلىس اكىمى ءوڭىر بويىنشا گەكتارىنان 30-35 سەنتنەردەن استىق الاتىن شارۋا قوجالىقتارىنىڭ سانى ارتىپ كەلە جاتقانىن ايتتى. جيىندا شال اقىن اۋدانىنىڭ اكىمى ەربول ساعديەۆ بيۋدجەتتىڭ كىرىس-شىعىس بولىكتەرىنە قاتىستى ەسەپ بەردى. قازىرگى تاڭدا بيۋدجەت 95,5 پايىزعا ورىندالعان ەكەن.
سونىمەن قاتار، مەملەكەتتىك «سىباعا»، «التىن اسىق»، «قۇلان» باعدارلامالارىن قولدانۋعا اۋىلدىقتاردىڭ قۇلشىنىسىن ارتتىرۋ جۇمىستارىن جۇرگىزۋ مىندەتتەلدى.
بۇدان سوڭ، ەرىك سۇلتانوۆ ايۋتاس سەلولىق وكرۋگىندە زاۋىت قۇرىلىسى ءجۇرىپ جاتقان «ترانساگروينۆەست» ج ش س دە بولدى. مۇندا بولاشاقتا قانت وندىرىلمەك. جوسپارعا ساي زاۋىت 2017 -جىلى اشىلادى. ج س ق بويىنشا 900 ميلليون تەڭگە ءبولىندى. كاسىپورىن قۋاتتىلىعى تاۋلىگىنە 300 توننا قانت قىزىلشاسىن وڭدەپ، جىلىنا 8 مىڭ توننا قانت وندىرمەك. قازىردە قۇرىلىس جۇمىستارىمەن 25 ادام اينالىسۋدا، ال كاسىپورىن اشىلعان سوڭ 84 ادام تۇراقتى جۇمىسپەن قامتىلماق.
جۇمىس ساپارىنىڭ سوڭىندا ءوڭىر باسشىسى «ت ن س 2020» ج ش س ەگىن القاپتارىندا بولدى. قوجالىق 88 مىڭ گەكتار جەرگە ىرىس ءدانىن ەككەن. سەرىكتەستىك تە 15-20 كۇن ىشىندە وراق ناۋقانىن اياقتاماق.