09:44, 13 - شىلدە 2015 | GMT +5
جاپونيانىڭ 8 ميلليونعا جۋىق ابونەنتى اپتاپ سالدارىنان پوشتا ارقىلى حابارلاما جىبەرە الماي وتىر
استانا. قازاقپارات - جاپونيالىق KDDI AU ۇيالى تەلەفون وپەراتورى 7,96 ميلليون ابونەنتتىڭ ەلەكتروندىق پوشتا ارقىلى حابارلاما جىبەرۋ جۇيەسىندە اقاۋلىق تۋىنداعانىن حابارلادى.
مۇنداي پروبلەماعا تەلەفوننىڭ بارلىق تۇرلەرىن، سونىڭ ىشىندە سمارتفونداردى پايدالاناتىندار دا تاپ بولدى، دەپ حابارلادى ر ي ا نوۆوستي.
بۇعان اپتاپ ىستىققا بايلانىستى سوڭعى كۇندەرى ورناتىلعان كونديتسيونەرلەردىڭ بۇزىلۋى سەبەپ بولۋى مۇمكىن. توتيگي پرەفەكتۋراسىنداعى بايلانىس ورتالىعىنداعى كونديتسيونەر ىستەن شىقتى. مۇنداعى تەمپەراتۋرانىڭ كۇرت كوتەرىلۋى ەلەكتروندىق پوشتانىڭ قىزمەتىمەن تىكەلەي بايلانىستى سەرۆەردىڭ اۆتوماتتى تۇردە توقتاپ قالۋىنا سوقتىردى.
