قازاقستاندا الەۋەتى جوعارى ەلدى مەكەندەرگە 8 مىڭعا جۋىق ەڭبەككە قابىلەتتى ادامدار كوشىرىلدى
بۇل تۋرالى بۇگىن ورتالىق كوممۋنيكاتسيالار قىزمەتىندە «جۇمىسپەن قامتۋ 2020 جول كارتاسى» باعدارلاماسىنا ارنالعان بريفينگتە ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى داۋلەت ارعاندىقوۆ ءمالىم ەتتى.
«باعدارلاما اياسىندا ەڭبەك رەسۋرستارىنىڭ موبيلدىگىن ارتتىرۋ جۇزەگە اسىرىلۋدا. بۇل تۇرعىدا ەكونوميكالىق الەۋەتى تومەن ەلدى مەكەندەردەن ادامداردى ءوز ەرىكتەرىمەن ورتاشا جانە جوعارى الەۋەتى بار ەلدى مەكەندەرگە كوشىرۋ مۇمكىندىگى ۇسىنىلادى. بۇگىندە ەلىمىزدە 6 مىڭعا تارتا اۋىلدىق جەرلەر بولسا، ونىڭ التى پايىزعا جۋىعى الەۋەتى تومەن اۋىلدار ساناتىنا جاتقىزىلادى. ياعني، بۇل تۇرعىدا سۋمەن قامتاماسىز ەتۋ، ءبىلىم جانە دەنساۋلىق ساقتاۋ ۇيىمدارىنا قولجەتىمدىلىك ەسكەرىلەدى. سوندىقتان وسى جەرلەردە سالىق تولەۋشىنىڭ قارجىسىنا اۋرۋحانالار مەن مەكتەپتەر سالۋ ءتيىمسىز بولعاندىقتان، تۇرعىنداردى جۇمىس ورىندارى بار جەرلەرگە كوشىرگەن دۇرىس بولادى»، - دەدى ول.
ونىڭ سوزىنە قاراعاندا، ەڭبەك رەسۋرستارىنىڭ موبيلدىگىن ارتتىرۋ اياسىندا 2011-2014-جىلدارى 16,1 مىڭ ادام كوشىرىلدى، ونىڭ ىشىندە 2014-جىلى 3456 ادام قونىس اۋداردى. جالپى كوشىرىلگەن ازاماتتاردىڭ 7,8 مىڭى ەڭبەككە قابىلەتتى جاندار.
اۆتور: رۋسلان عابباسوۆ
