08:03, 06 - ءساۋىر 2015 | GMT +5
پوليتسەيلەر ەسىرتكى ساۋداگەرلەرىن اشكەرەلەۋ ءۇشىن 8 اي بويى مەكتەپ وقۋشىلارى بولىپ جۇرگەن
استانا. قازاقپارات - امەريكانىڭ تەحاس شتاتىنداعى حيۋستون قالاسىنىڭ ماڭىندا بىرنەشە پوليتسەي تاياۋدا مەكتەپ پارتاسىنا قايتا وتىرۋعا ءماجبۇر بولدى.
الايدا ولار بۇعان بىلىمدەرىنىڭ جەتىسپەۋى سالدارىنان ەمەس، جاسوسپىرىمدەردىڭ اراسىندا ەسىرتكى ساۋدالاعان قىلمىستىق جەلىنى اشكەرەلەۋ ماقساتىمەن بارعان.
The News York Post گازەتىنىڭ حابارلاۋىنشا، ءىس-قيمىلدار سەگىز اي بويى بىرنەشە مەكتەپتە جۇرگىزىلىپ، وتە تابىستى بولىپ شىقتى. قۇقىق قورعاۋ ورگاندارى ەلىرتەتىن ۋ ساتقان جوعارى سىنىپتاردىڭ التى وقۋشىسىن قاماۋعا الدى.
ۇستالعاندار 17-18 جاستاعى ازاماتتار بولىپ شىقتى. ولاردى تەكسەرۋ كەزىندە كوكاين، ماريحۋانا جانە سينتەتيكالىق ەسىرتكىنىڭ ۇلكەن كولەمى انىقتالدى.
