قاراعاندىدا جەڭىس كۇنىنە وراي 8 مىڭعا جۋىق ادامعا ماتەريالدىق كومەك بەرىلەدى

قاراعاندى. قازاقپارات - قاراعاندىدا ۇ و س- تاعى جەڭىستىڭ 70 جىلدىعىنا وراي 8000 عا جۋىق ادام ءبىر جولعى ماتەريالدىق كومەككە يە بولادى.

بۇل تۋرالى قالا اكىمىنىڭ ورىنباسارى يرينا ليۋبارسكايا ءمالىم ەتتى.

«بۇگىن قاراعاندىدا 170 ۇ و س قاتىسۋشى مەن مۇگەدەگى، جەڭىلدىككە يە ساناتتاعى 7681 تۇلعا تۇرادى. بارلىعىنا ۇ و س- دا جەڭىستى جاقىنداتقانى ءۇشىن ءبىر جولعى تولەم تولەنەدى»، - دەدى ي. ليۋبارسكايا.

بۇل ءۇشىن رەسپۋبليكالىق بيۋدجەتتەن 213 ميلليون تەڭگە، قاراعاندى بيۋدجەتىنەن 129 ميلليون تەڭگە ءبولىندى. 1941-1945 - جىلعى سوعىس مۇگەدەكتەرى مەن وعان قاتىسقاندار 250 مىڭ تەڭگەدەن: 100 مىڭ تەڭگە - رەسپۋبليكالىق بيۋدجەتتەن، 150 مىڭ تەڭگە جەرگىلىكتى قازىنادان الادى.

«تولەمدەر 7 - ساۋىردەن باستاپ تولەنىپ، بۇل ءىستى ايدىڭ سوڭىنا دەيىن اياقتاۋ جوسپارلانعان»، - دەدى قالا اكىمىنىڭ ورىنباسارى.

سونداي-اق ول 7 - ساۋىردە قاراعاندىدا مەرەيتويلىق مەدالدار تابىستالا باستايتىنىن ايتتى. قالالىق اكىمدىكتىڭ مالىمەتىنشە، بۇل ناگراداعا 7471 قاراعاندىلىق يە بولادى.

«8 ارداگەر باسپاناعا مۇقتاج بولعان. ۇشەۋى ناۋرىز مەرەكەسى قارساڭىندا پاتەر كىلتىنە يە بولدى. بەسەۋى 1 - مامىرعا دەيىن باسپانامەن قامتىلاتىن بولادى»، - دەدى ي. ليۋبارسكايا.

ماسكەۋدەگى اسكەري شەرۋگە ءبىر قاراعاندىلىق، استاناداعى شەرۋگە جەتى قاراعاندىلىق قاتىسادى. ولار ءۇشىن دەمەۋشىلەردىڭ قاراجاتىنا فورما تىگىلىپ جاتىر.