19:03, 20 - ناۋرىز 2015 | GMT +6
ماسكەۋدە قازاقستان، بەلارۋس جانە رەسەيدىڭ پرەزيدەنتتەرى 8- مامىردا كەزدەسەدى
استانا. قازاقپارات - قازاقستان، بەلارۋس جانە رەسەي پرەزيدەنتتەرى كەلەسى كەزدەسۋلەرىن 8- مامىردا ماسكەۋدە وتكىزەدى. بۇگىن اقوردادا قازاقستان، بەلارۋس جانە رەسەي باسشىلارىنىڭ ءۇشجاقتى كەزدەسۋىنەن كەيىنگى بىرلەسكەن مالىمدەمەدە بەلارۋس پرەزيدەنتى الەكساندر لۋكاشەنكو وسىلاي ءمالىم ەتتى.
8- مامىردا ماسكەۋدە كەزدەسۋ تۋرالى كەلىسىلگەنىنە توقتالعان ول بۇل كەلىسسوزدەردە ە ا ە و ەلدەرى مەملەكەت باسشىلارىنىڭ دەڭگەيىندە ءتيىستى تالقىلاۋلار بولاتىندىعىن جەتكىزدى.
ا. لۋكاشەنكونىڭ سوزىنە قاراعاندا، وسى كەزدەسۋگە دەيىن ۇكىمەتتەر بارلىق ناقتى ماسەلەلەر بويىنشا كەلىسسوزدەر جۇرگىزىپ، شەشىمدەر قابىلداۋى ءتيىس.
«بۇل - قازاقستان پرەزيدەنتى نۇرسۇلتان نازاربايەۆتىڭ ۇسىنىسى. وسى كەلىسىمدى مىندەتتى تۇردە ورىنداۋ قاجەت»، - دەدى بەلارۋس باسشىسى.
اۆتور: رۋسلان عابباسوۆ
