بيىكتىگى 8 قاباتتى ۇيمەن بىردەي، الەمدەگى ەڭ ءىرى سيفرلى ەكران اشىلدى

استانا. قازاقپارات - نيۋ-يورك تۇرعىندارىنا الەمدەگى ەڭ ۇلكەن ساندىق بيلبورد تانىستىرىلدى. ول بۇكىل الەمگە ءوزىنىڭ جارقىراعان جارنامالىق تاقتالارىمەن تانىمال بولعان تايمس-سكۆەرى الاڭىندا ورناتىلعان.

كولەمى فۋتبول الاڭىنداي بولاتىن بيلبورد ەكرانىندا تاۋ، قۇستار جانە ءزاۋلىم عيماراتتاردىڭ سۋرەتتەرى بار دەرەكتى روليك كورسەتىلدى.

كەلەسى اپتادان جارناما بەرىلە باستايدى. ەڭ ءبىرىنشى بولىپ كوپشىلىك نازارىنا Google كومپانياسىنىڭ جارنامالارى ۇسىنىلادى. كومپانيا جارنامالىق روليكتەرىنىڭ ءتورت اپتا بويى كورسەتىلۋى ءۇشىن 2,5 ميلليون دوللار تولەگەن.

بيىكتىگى سەگىز قاباتتى ۇيمەن بىردەي جارقىراعان بيلبوردتىڭ ۇزىندىعى تۇتاستاي ءۇي ورامىن الىپ جاتىر، دەپ حابارلادى BBC.