ا ق ش: 8 جاسار بالا ميلليونەر اتاندى

استانا. قازاقپارات - ا ق ش- تا 3 جىل بۇرىن ەۆان ەسىمدى بالا مەن ونىڭ اكەسى دجارەد YouTube-تان بالالارعا ارنالعان كانال اشىپ، وعان قىسقا بەينەروليكتەر سالا باستاپتى، دەپ جازادى روسبالت.

بۇل ۆيدەو روليكتەردە بالالارعا ارنالعان جاڭا ويىنشىقتار مەن ويىندار تۋرالى اۆتوردىڭ جەكە پىكىرى جازىلعان. اكەسى ۇلىن كامەراعا ءتۇسىرىپ، ونىڭ ۆيدەولارىن عالامتورعا جۇكتەۋگە كومەكتەسىپ وتىرعان.

كەيىن كەلە ەۆاننىڭ ساراپتامالارى جۇرتقا تانىلا باستاپتى. بالا ويىنشىقتار جايلى اڭگىمەلەي وتىرىپ، ونىڭ قاي جاستاعى بالالارعا قىزىقتى ەكەندىگىن، قاي تۇسى ۇتىمدى شىققانىن، قاي جەرىندە كەمشىلىگى بارىن ايتىپ وتىرعان.

بۇل كوپشىلىكتىڭ كوڭىلىنەن شىعىپ، ولاردىڭ كورەرمەندەرى 750 ميلليون ادامعا جەتكەن. وسى ەسەپ بويىنشا ەۆان جىلىنا $1,3 ميلليون تابىس تابادى ەكەن. ونىڭ اتا- اناسى بۇل اقشانى ساقتاپ، كەيىن وقۋىنا جۇمساماق كورىنەدى.

بۇل سوما ولارعا ەۆاننىڭ تانىمال برەند ويىنشىقتاردى جارنامالاعانى ءۇشىن جانە وعان ساراپ جاساعانى ءۇشىن تولەنەدى.