بارسەلونا اۋەجايىنداعى وقيعا تۋرالى بەينەجازبانى 8 ميلليون ادام كوردى - كەسكىن

 استانا. قازاقپارات - بارسەلونا اۋەجايىندا اپاتتى جاعداي بولا جازداعانى تۋرالى الەمدىك ب ا ق جارىسا جازىپ، YouTube الەۋمەتتىك جەلىسىنە وقيعانىڭ بەينەجازباسى سالىنعان بولاتىن. قازىرگى ۋاقىتتا جۇزدەگەن ادامنىڭ ءومىرىن ساقتاپ قالعان ۇشقىش تۋرالى بەينەجازبانى 8 ميلليون استام ادام كورىپ ۇلگەرگەن.
None
None

ماسكەۋدەن ۇشىپ كەلە جاتقان UTair اۋەكومپانياسىنىڭ Boeing 767 ۇشاعى ۇشۋ الاڭىنداعى ارگەنتينانىڭ Airbus A340 ۇشاعىمەن سوقتىعىسا جازداپ، ۇشقىشتىڭ شۇعىل شەشىمىنىڭ ارقاسىندا اۋەگە قايتا كوتەرىلەدى.

اپاتتى جاعدايدان امان قالعان ۇشاق ەكىنشى اينالىمدا ءساتتى قونعان. رەسەيلىك ماماندار بۇل ديسپەتچەرلەردىڭ قاتەلىگى بولۋى مۇمكىن دەگەن بولجام جاساپ وتىر.

الايدا، يسپانيالىق «مەترو» گازەتى ەشقاندايدا قاتەرلى جاعداي بولمادى دەپ جازادى. باسىلىمعا سۇحبات بەرگەن اۋەجاي وكىلدەرى مۇنداي جاعداي اۋا-رايى قولايسىز كەزدە بولىپ تۇرادى دەپ مالىمدەگەن. ارگەنتينالىق ماماندار دا يسپانيالىق ارىپتەستەرىن قولداپ وتىر.



سوڭعى جاڭالىقتار