باقتيار ارتايەۆ 8- شىلدە كۇنى داۋلى وقيعاعا قاتىستى باسپا ءسوز ءماسليحاتىن وتكىزبەك

دەپ حابارلايدى Vesti.kz.
وندا چەمپيون «ashionF كلۋبىندا ارتايەۆ مەنى ۇرىپ-سوقتى» دەپ ايىپتاپ وتىرعان ايسۇلۋ يبراشوۆانىڭ مالىمدەمەسىنە جاۋاپ بەرەدى.
اتالعان سايتتا وقيعاعا قاتىستى كلۋب كۇزەتشىلەرى قىزدىڭ ءسوزىن جوققا شىعارعان اقپارات شىقتى.
«كلۋب جۇمىسىن باستاپ جاتقان ۋاقىتتا، شامامەن ساعات 10-11 شاماسىندا باقتيار ارتايەۆ دوستارىمەن كەلدى. ولار ءبىر ۇستەلدە ءوزارا سويلەسىپ، دەمالىپ وتىرعان. سول ءبىر ۋاقىت ارالىعىندا ءبىر قىزدىڭ باقتيارعا جاقىنداعانىن بايقادىم. ول قىزدى كلۋبتان بىرنەشە رەت كورگەنمىن، ەسىمدە قالىپتى. باقتيار ەشكىمگە نازار اۋدارماي، دوستارىمەن اڭگىمەلەسىپ وتىرا بەردى. ولار ءبىرىن ءبىرى تانيتىن شىعار دەپ ويلاپ، اسا ءمان بەرگەنىم جوق. كەيىن ارىپتەستەرىم سول قىزدىڭ ايقاي- شۋ شىعارعانىن ايتتى»، - دەدى كلۋب كۇزەتشىلەرىنىڭ ءبىرى باقىتجان يۋسۋپاليەۆ.
كۇزەت قىزمەتىنىڭ باستىعى باعدات كۇمىسبەكوۆ وقيعا كەزىندە مەكەمەنى ارالاپ جۇرگەندىكتەن ەشتەڭە كورمەگەن، ءبىراق ول ءوز قىزمەتكەرلەرىنىڭ سوزىنە سەنەتىنىن جەتكىزدى.
اتاپ وتەيىك، بۇل وقيعا بويىنشا قىلمىستىق ءىس قوزعالعان. اتالعان ءىس بويىنشا كۇزەتشىلەر قۇقىق قورعاۋ ورگاندارىنىڭ قىزمەتكەرلەرى الدىندا جاۋاپ بەرگەن.