ءۇندىستاندا مينيستر انت قابىلداعاننان كەيىنگى 8- كۇنى قازا تاپتى

 استانا. قازاقپارات - ءۇندىستاننىڭ اۋىلدىق اۋدانداردى دامىتۋ، اۋىز سۋ جانە سانيتاريا ءمينيسترى گوپيناتحراو مۋندە ەل استاناسى نيۋ- دەليدە جول اپاتىنان قازا تاپتى.

بۇل جايىندا جۋرناليستەرگە ءۇندىستاننىڭ جول كولىگى، اۆتوموبيل جولدارى جانە جۇك تاسىمالداۋ ءمينيسترى نيتين گادكاري ءمالىم ەتتى، دەپ حابارلادى يتار- تاس.

 جول اپاتى جەرگىلىكتى ۋاقىت بويىنشا ساعات 06:30-دا ورىن العان. مۋمبايعا ۇشىپ كەتپەك بولعان مينيستر ينديرا گاندي اتىنداعى حالىقارالىق اۋەجايعا بارا جاتقان جولدا كولىك اپاتىنا ۇشىراعان. وقيعانىڭ تولىق ءمان- جايى ازىرشە بەلگىسىز. ونى جەدەل ارادا اۋرۋحاناعا جەتكىزگەنىمەن دارىگەرلەر ونىڭ ومىرىنە اراشا تۇسە المادى. ن. گادكاريدىڭ اتاپ وتۋىنشە، ساياساتكەردىڭ «جۇرەگى توقتاپ قالعان» .

ايتا كەتەرلىگى، ءۇندىستاننىڭ جاڭا مينيسترلەر كابينەتى 26 - مامىر كۇنى انت قابىلداعان بولاتىن.

اۆتور: مارلان جيەمباي