الماتىدان كوكشەتاۋعا ۇشاقپەن 8999 تەڭگەگە جەتۋگە بولادى
اۋە رەيسىن «FlyArystan» كومپانياسى اشىپ وتىر. رەيستى بيىلعى 12 - ناۋرىزدان باستاپ 180 ورىندىق Airbus A320 ۇشاقتارى ورىنداي باستايدى. قاتىناۋ ارالىعى - اپتاسىنا 3 رەت، ۇشۋ ۇزاقتىعى - 2 ساعات، باعاسى - 8999 تەڭدەگەن باستالادى. بيلەتتەر ساتۋعا شىعارىلدى.
«كوكشەتاۋ - بۇل ديناميكالىق تۇردە دامىپ كەلە جاتقان ءوڭىر. وعان قوسا، شەتەلدە قازاقستاننىڭ شۆەيتسارياسى بولىپ تانىلعان، كۋرورتتارعا ەڭ جاقىن ورنالاسقان قالا. بۋراباي، زەرەندى، شۋچەگە الماتىدان ەلوردامىز ارقىلى جەتۋ ىڭعايسىز. ۋاقىتتى الادى، كولىكتەن- كولىككە اۋىسىپ وتىرۋ قىمباتقا شىعادى. وڭتۇستىك استانادان كوكشە ەلىنە، ال ودان كەيىن ونىڭ توڭىرەگىندە ورنالاسقان جەرلەرگە تەز جەتۋگە مۇمكىندىك بەرەتىن تىكەلەي رەيستەردىڭ ارقاسىندا جيھانگەزدەر جەڭىل ءارى تەز ۇشىپ بارا الادى. وعان قوسا، اقمولا وبلىسىنىڭ تۇرعىندارى دا تۋعان- تۋىستارىنا ءجيى قوناقتاپ بارا الاتىن بولادى» ، - دەدى «FlyArystan» - نىڭ ساتۋ جانە ماركەتينگ ءبولىمىنىڭ ديرەكتورى جانار جايلاۋوۆا.
ەسكە سالايىق، «FlyArystan» اۆياكومپانياسى ەلباسى- تۇڭعىش پرەزيدەنت نۇرسۇلتان نازاربايەۆتىڭ 2018 -جىلدىڭ قاراشاسىنداعى تاپسىرماسىنا سايكەس قۇرىلدى. ول «Air Astana» اۆياكومپانياسىنىڭ ەنشىلەس كاسىپورنى. باعاسى قولجەتىمدى كومپانيا العاشقى رەيستەرىن 2019 -جىلدان ورىنداي باستادى.
