رەسەيدە ءبىر تاۋلىكتە كوروناۆيرۋستان 890 ادام قايتىس بولعان

ماسكەۋ. تاسس- قازاقپارات - رەسەيدە ءبىر تاۋلىكتە كوروناۆيرۋستان بولعان ءولىم جاعدايلارىنىڭ سانى 890 عا جەتكەن، ءبىر كۇن بۇرىن 886 ادام كوز جۇمعان.

بۇل - پاندەميا باستالعالى ورناعان جاڭا رەكورد. بۇل تۋرالى جەكسەنبى كۇنى جاڭا ينفەكسيامەن كۇرەس جونىندەگى جەدەل شتاب ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

پاندەميا باستالعالى 209918 ادام قايتىس بولعان. شارتتى ءولىم جاعدايى %2,77 دەڭگەيىنە دەيىن ءوستى، دەپ حابارلادى شتاب.

كوروناۆيرۋس جۇقتىرۋدىڭ راستالعان جاعدايلارىنىڭ سانى ءبىر تاۋلىكتە 25769 عا ارتىپ، جالپى سانى 7586536 ادامعا جەتكەن. قازىرگى ۋاقىتتا رەسەيدە 650653 ادام اۋىرىپ جاتىر.

كوروناۆيرۋستان جازىلىپ شىققاندار سانى ءبىر كۇندە 15391 گە ارتىپ، جالپى سانى 6725965 ادامعا جەتتى. شتابتىڭ مالىمەتتەرى بويىنشا، اۋرۋحانادان شىعارىلعان پاتسيەنتتەردىڭ ۇلەسى اۋرۋعا شالدىققانداردىڭ جالپى سانىنان %88,7 عا دەيىن تومەندەگەن.

اۆتور: اياۋلىم التىنبەك