جاقسىلىقتان ءۇمىت ۇزبەيتىن وتباسى 88 مۇگەدەك بالانى اسىراپ العان
استانا. قازاقپارات - كاميللا دجەرالدي مەن ونىڭ جولداسى مايك 40 جىل ىشىندە ءتۇرلى دەڭگەيدە پاتولوگيالىق سىرقاتپەن تۋعان بالالاردى اسىراپ العان.
ا ق ش-تىق وتباسى اتالعان مەرزىم ىشىندە 88 بالاعا جىلۋلىق سىيلاعان، دەپ جازادى life.ru. كاميللا مەن مايك 70-جىلداردا تانىسقان. ول كەزدە كاميلا مەدبيكە، ونىڭ بولاشاق جۇبايى بالالار دارىگەر بولىپ جۇمىس ىستەگەن.
سول ۋاقىتتا كاميلانىڭ ءۇش اسىراندى بالاسى بولعان. ول ءوزىنىڭ مۇگەدەك بالالاردى قۇتقارىپ قالۋ ارمانى ەكەندىگىن ايتقان كەزدە، وعان مايك بىردەن قولداۋ بىلدىرگەن. قازىرگى كەزدە جۇپتىڭ اسىرىپ العان ەڭ ۇلكەن بالاسىنىڭ جاسى 32 دە. كىشىسى 8 دە. وسى ۋاقىت ىشىندە ولار دەرتى اۋىر 32 بالاسىنان ايىرىلدى. قايىرىمدى وتباسى باس سۇيەگىنىڭ ءبىر بولىگى جوق بالاعا دا ايتارلىقتاي كۇتىم جاساي ءبىلدى.
قايرىمدىلىق جاساۋدان ءلاززات الاتىن وتباسىنىڭ ءۇيىن 1992 -جىلى "ەندريۋ" داۋىلى قيراتىپ كەتتى. 2015 -جىلى ۇيلەرىنە جاي ءتۇسىپ، بارلىق مۇلكى جانىپ كەتتى. قيىنشىلىق مۇنىمەن بىتپەدى، بۇگىندى كاميللا مۇگەدەك بالالارمەن جالعىز ءوزى قالىپ وتىر، ونىڭ جۇبايى مايك وتكەن جىلى وبىر دەرتىنەن كوز جۇمدى. الايدا قايسار كاميللا بۇل قيىندىققا مويىنسۇنىپ وتىرعان جوق. ءبىر جاقسىلىقتىڭ بولارىن كۇتەدى. قازىرگى كەزدە ولار Possible Dream قورىنىڭ قاراجاتىنا كۇن كورۋدە.
