استانادا كۇندەلىكتى 886 اۆتوبۋس حالىقتى تاسىمالداپ ءجۇر

None
نۇر-سۇلتان. قازاقپارات - نۇر-سۇلتان قالالىق City Transportation Systems (CTS) كولىك كومپانياسى اۆتوبۋس قوزعالىسى تۋرالى تۇسىنىك بەردى، دەپ حابارلايدى قازاقپارات ءتىلشىسى.

«قالادا اسىرەسە تاڭەرتەڭ قوعامدىق كولىكتىڭ قوزعالىسى باقىلانبايدى. جولاۋشىلار كەپتەلىس كەزىندە قوسىمشا اۆتوبۋس شىعارۋدى سۇراپ جاتادى. بۇل ماسەلەنى قالاي شەشۋگە بولادى؟»، - دەگەن ساۋال جولدادى قازاقپارات ءتىلشىسى اتالعان مەكەمەگە.

كولىك كومپانياسى تاڭەرتەڭ جانە كەشكى ۋاقىتتا مۇمكىندىگىنشە ءجيى قوزعالىس ينتەرۆالىمەن بارلىق اۆتوبۋستىڭ جولعا شىعاتىنىن جەتكىزدى. ال ارالىق ۋاقىتتا (تۇسكى ۋاقىت) جۇرگىزۋشىلەر ءۇشىن قاراستىرىلعان كولىك قۇرالدارىنىڭ تەحنيكالىق توقتاپ قالۋىنا بايلانىستى قوزعالىس ارالىعى ازداپ ارتادى (تاماقتانۋ، سانيتارلىق گيگيەنا جانە تاعى باسقا).

«بۇگىندە قالا بويىنشا كۇندەلىكتى 886 اۆتوبۋس قاتىنايدى. ونىڭ ىشىندە 802 مارشرۋت قالا ىشىندە جانە 84 اۆتوبۋس قالا ماڭىنا جۇرەدى. وتكەن جىلى 6 جاڭا مارشرۋت ىسكە قوسىلىپ، 20 قوعامدىق كولىكتىڭ ءجۇرۋ كەستەسى جاقسارتىلدى. 31 كوشە مەن 18 اۋدان بويىنشا قوعامدىق كولىك ماسەلەسى شەشىلدى. ودان بولەك 9 مارشرۋتتاعى جىلجىمالى قۇرام جاڭارتىلىپ، وزگەرتۋ جانە جاڭا مارشرۋتتاردى ىسكە قوسۋ ەسەبىنەن قالالىق كولىكتىك قىزمەت كورسەتۋدى قامتۋ ۇلعايتىلدى»، - دەپ جاۋاپ بەردى CTS باسپا ءسوز قىزمەتى.

سوڭعى جاڭالىقتار