اسقار مامين نۇر-سۇلتان قالاسىنىڭ 87 شاقىرىمدىق اينالما جولىن اشتى
«ق ر تۇڭعىش پرەزيدەنتى - ەلباسى نۇرسۇلتان نازاربايەۆ پەن مەملەكەت باسشىسى قاسىم- جومارت توقايەۆ ەلوردانىڭ دامۋىنا ەرەكشە نازار اۋدارادى. بۇگىنگى تاڭدا نۇر-سۇلتان قالاسىنىڭ كولىك ينفراقۇرىلىمىن دامىتۋ اياسىندا ءبىز وتە ماڭىزدى وقيعاعا كۋا بولىپ وتىرمىز - ەلوردا ماڭىنداعى ۇزىندىعى 87 شاقىرىم بولاتىن اينالما جول بويىمەن تولىق قوزعالىس اشىلۋدا»، - دەدى ا. مامين.
ۇكىمەت باسشىسى «شۇعىلا» قاعيداتى بويىنشا ەلوردادان وڭتۇستىك-ورتالىق، ورتالىق- شىعىس، ورتالىق- باتىس باعىتتارىندا ءقاۋىپسىز ءارى ساپالى اۆتوموبيل جولدارىنىڭ جوبالارى ىسكە اسىرىلىپ جاتقانىن، بۇل ەلىمىزدىڭ وڭتۇستىگىنەن سولتۇستىگىنە جانە باتىسىنان شىعىسىنا تۋرا ءوتۋدى قامتاماسىز ەتەتىنىن اتاپ ءوتتى.
ەلوردانىڭ اينالما اۆتوجولىنىڭ اشىلۋى قالانىڭ كولىك جۇيەسىنىڭ تيىمدىلىگىن ارتتىرۋعا، اۆتوكولىكتەردىڭ جىلدامدىق رەجىمىن ۇلعايتۋعا جانە جۇرگىزۋشىلەردىڭ ۋاقىت شىعىنىن قىسقارتۋعا، سونداي- اق، نۇر- سۇلتان قالاسىنداعى ەكولوگيالىق جاعدايدى جاقسارتۋعا مۇمكىندىك بەرەدى.
اۆتوجولدى اشۋ ءراسىمى اياسىندا ۇكىمەت باسشىسى «قاز جول ع ز ي» ا ق عىلىمي- زەرتتەۋ ينستيتۋتى مەن ءبىرقاتار قازاقستاندىق كومپانيالار ۇسىنعان اۆتوجول سالاسىنداعى جاڭا تەحنولوگيالارمەن جانە ماتەريالدارمەن تانىستى.
