جاپونيادا كومپيۋتەرلىك اقاۋلىققا بايلانىستى 87 اۋە رەيسى ۇشپايتىن بولدى

استانا. قازاقپارات - جاپونيانىڭ ونداعان اۋەجايىندا ANA All Nippon Airways اۋە كومپانياسىنىڭ كومپيۋتەرلىك جۇيەسىندە تۋىنداعان اقاۋلىق سالدارىنان سەيسەنبى كۇنى 87 ىشكى رەيس ۇشپاي، 10 مىڭنان استام جولاۋشىنىڭ جوسپارىن بۇزدى، دەپ حابارلادى ر ي ا نوۆوستي كيودو اگەنتتىگىنە سىلتەمە جاساپ.

اۋە كومپانياسىنىڭ حابارلاۋىنا سايكەس، ولقىلىق جەرگىلىكتى ۋاقىتپەن ساعات 08:20 (02:20 م س ك) جولاۋشىلاردى تىركەۋ جانە ىشكى رەيستەرگە بيلەتتەردى ونلاين-برونداۋ كەزىندە تۋىندادى. كيودو اگەنتتىگى حابارلاعانداي، جۇيەنىڭ قالىپقا كەلتىرىلگەنى جايلى ساعات 11:30 (05:30 م س ك) حابارلاندى.

ANA كەلتىرىلگەن قولايسىزدىق ءۇشىن كەشىرىم سۇراپ، كومپيۋتەرلىك اقاۋلىقتىڭ ورىن الۋ سەبەبىن انىقتاپ جاتقانىن حابارلادى.

كيودو اقپاراتىنشا، ىشكى جەلىدەگى جاپونيالىق باسقا ءتورت اۋە تاسىمالداۋشى Starflyer، Airdo, Solaseed Air جانە Ibex Airlines دە وسى ولقىلىق سالدارىنان زارداپ شەكتى. ويتكەنى ولار دا ANA پايدالاناتىن جۇيەنى پايدالانادى.