قازاقستاننان جولاۋشىلار 87 حالىقارالىق باعدار بويىنشا ساپارلاۋدا
بۇل تۋرالى بۇگىن استانادا اۋەجاي ماسەلەلەرىنە ارنالعان ي ا ت ا كونفەرەنسياسىندا ق ر ي د م ازاماتتىق اۆياتسيا كوميتەتىنىڭ ءتوراعاسى بەكەن سەيداحمەتوۆ ءمالىم ەتتى.
«ءبىزدىڭ اۋەجايلار مەن اۋە كومپانيالاردى دامىتۋ اۆياتسيالىق بايلانىستاردىڭ گەوگرافياسىن كەڭەيتەتىنى انىق. جالپى قازاقستاندىق اۋە كومپانيالارىمەن جولاۋشىلاردى تاسىمالداۋدىڭ ءوسۋ قارقىنى جىل سايىن 10-11 پايىزدى قۇراپ وتىر. ماسەلەن، 2013 - جىلى قازاقستاننىڭ اۋە كومپانيالارى تاسىمالداعان جولاۋشىلار سانى 5 ميلليوندى قۇراسا، 2014 - جىلى - 5,5 ميلليون، ال بيىلدىڭ ءبىرىنشى جارتىجىلدىعىندا 2,6 ميلليون ادامعا جەتتى»، - دەدى كوميتەت باسشىسى.
ب. سەيداحمەتوۆتىڭ سوزىنە قاراعاندا، جالپى قازاقستاننان 87 حالىقارالىق باعدار بويىنشا تاسىمالداۋلار جۇرگىزىلەدى. ونىڭ ىشىندە 52 ت م د ەلدەرىنە، توعىزى ە و- عا، وڭتۇستىك- شىعىس ازيا ەلدەرىنە - 11 باعدار، ال تاياۋ شىعىسقا - 15 باعدار قامتىلعان.
ەكى قازاقستاندىق اۋە تاسىمالداۋشىلار 57 باعدار بويىنشا حالىقارالىق تاسىمالداردى جۇزەگە اسىرسا، 28 شەتەلدىك اۋە كومپانيالارى 54 باعدار تۇرعىسىندا حالىقارالىق تاسىمالداردى اتقارۋدا.
«جالپى اپتاسىنا قازاقستاننان 458 حالىقارالىق رەيستەر ورىندالسا، كۇنىنە 65 رەيس جۇزەگە اسىرىلادى»، - دەدى ول.
اۆتور: رۋسلان عابباسوۆ
