«قىزىل» ستاتۋسپەن ءدامحاناعا بارعان استانالىق 87,5 مىڭ تەڭگە ايىپپۇل تولەدى

نۇر- سۇلتان. قازاقپارات - ەلوردا تۇرعىنىنا «قىزىل» ءتۇستى مارتەبەمەن ءدامحاناعا بارعانى ءۇشىن ايىپپۇل سالىندى، دەپ حابارلايدى قازاقپارات نۇر- سۇلتان قالاسى اكىمدىگىنىڭ رەسيي سايتىنا سىلتەمە جاساپ.

كوروناۆيرۋس بويىنشا ءبىر تاۋلىكتەگى مالىمەتتەر جاريالاندى ۇيدە وقشاۋلانۋ رەجيمىن بۇزعانى ءۇشىن وعان ق ر ا ق ب ت ك- ءنىڭ 425-بابى، 1-بولىگى بويىنشا اكىمشىلىك جاۋاپكەرشىلىكتى كوزدەيتىن حاتتاما تولتىرىلدى. ونىڭ سانكتسياسىندا 87510 تەڭگە (30 ا ە ك) ايىپپۇل قاراستىرىلعان.

ايتا كەتەيىك، بيىلعى جىلدىڭ 5-ساۋىرىنەن باستاپ Ashyq جوباسىنا قاتىساتىن بيزنەس نىساندارىندا ءۇي كارانتينىن بۇزعان 4039 كەلۋشى انىقتالدى. ونىڭ ىشىندە 1888 ادامدا «قىزىل» ءتۇستى مارتەبە (كوروناۆيرۋسپەن اۋىراتىندار)، 2151 ادامدا «سارى» ءتۇستى (ناۋقاسپەن جاقىن بايلانىستا بولعاندار) مارتەبە بولعان. ونىڭ ىشىندە، 11-27 ماۋسىم ارالىعىندا ءۇي كارانتينىن بۇزعان 491 كەلۋشى انىقتالدى (247 كەلۋشىنىڭ - «قىزىل» ءتۇستى، 244 كەلۋشىنىڭ - «سارى» ءتۇستى مارتەبەسى بار).