اتىراۋ وبلىسىندا تەرىس اعىمدى ۇستانعان 86 ادام ءداستۇرلى دىنگە ورالدى
وبلىستىق ءدىن ىستەرى باسقارماسىنىڭ باسشىسى قايروللا كوشقاليەۆتىڭ ايتۋىنشا، بيىلعى التى ايدا دەسترۋكتيۆتى ءدىني اعىمنىڭ 350 جاقتاسىمەن 1200 مارتە تەولوگيالىق وڭالتۋ ءىس- شاراسى جۇرگىزىلگەن.
«تەرروريزم جانە ەكسترەميزم بابىمەن سوتتالعان 39 اداممەن 200 رەت جەكە كەزدەسۋ، 8 ءىس- شارا، 2 ينتەلەكتۋالدىق سايىس وتكىزىلدى. سونداي- اق، تەرىس اعىمنىڭ جەتەگىندە جۇرگەن 86 ادام ءداستۇرلى ءدىني باعىتقا قايتارىلدى. ونىڭ ىشىندە 64 تۇرعىن، 8 جازاسىن وتەۋشى، 5 ستۋدەنت بار. ال قالعانى - ەكسترەميزم بابىمەن جازاسىن وتەپ شىققاندار، ولاردىڭ جۇبايلارى، سونداي- اق پروباتسيالىق باقىلاۋداعى ازاماتتار»، - دەيدى قايروللا كوشقاليەۆ.
ەسكە سالايىق، بۇعان دەيىن اتىراۋ وبلىسىندا تەرىس ءدىني اعىمدى ناسيحاتتاعان 40 ادام جاۋاپقا تارتىلعانىن جازعان ەدىك. بۇدان بولەك، وڭىردە 24 ميلليون تەڭگەنىڭ ەسىرتكىسىن ساتپاق بولعان ءدىني اعىم وكىلدەرى ۇستالعان بولاتىن.
اۆتور: بەك مۇستافا
