جامبىلدا زاڭسىز ساقتالعان 86 بىرلىك اتىس قارۋى تاركىلەندى
ق ر ىشكى ىستەر مينيسترلىگىنىڭ نۇسقاۋىنا سايكەس، 7 - قىركۇيەكتەن باستاپ جامبىل وبلىسىنىڭ اۋماعىندا «ۋچاسكە» جەدەل-الدىن الۋ ءىس-شاراسى وتكىزىلۋدە. ءىس-شارانىڭ ماقساتى - جەدەل جاعدايدى تۇراقتاندىرۋ، قىزمەت كورسەتىلەتىن اكىمشىلىك ۋچاسكەلەردە قۇقىق بۇزۋشىلىقتاردىڭ الدىن الۋ بويىنشا جۇمىستى جانداندىرۋ، ۋچاسكەلىك پوليتسيا ينسپەكتورلارىنىڭ جانە جالپى ىشكى ىستەر ورگاندارىنىڭ يميدجىن ارتتىرۋ، سونداي-اق ازاماتتارمەن تىعىز سەنىمدى قارىم-قاتىناس ورناتۋ.
وبلىستىق پوليتسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا اتالعان ءىس-شارالار اياسىندا، وبلىس اۋماعىندا تۇرعىلىقتى جەرى بويىنشا اينالىمدا اتىس قارۋى بار 8290 ادام تەكسەرىلگەن.
«تەكسەرۋ بارىسىندا ق ر ا ق ب ت ك- نە سايكەس، اتىس قارۋىن ساقتاۋ ەرەجەلەرىن بۇزۋدىڭ 210 جاعدايى رەتكە كەلتىرىلگەن. بۇدان باسقا، ازاماتتاردا قانداي دا ءبىر رۇقسات قۇجاتتارىنسىز ساقتاۋدا تۇرعان زاڭسىز اتىس قارۋىنىڭ 89 بىرلىگى تاركىلەندى. پروتسەسسۋالدىق شەشىم قابىلداۋ جانە بارلىق تاركىلەنگەن قارۋدىڭ باسقا قىلمىستارعا قاتىستىلىعىن تەكسەرۋ ءۇشىن بالليستيكالىق ساراپتامالار تاعايىندالدى»، - دەيدى پ د ج پ ق ب باستىعىنىڭ ورىنباسارى ماناس ابدىكارىم.
سونىمەن قاتار، جەدەل-الدىن الۋ ءىس-شاراسى بارىسىندا 29647 اكىمشىلىك قۇقىق بۇزۋشىلىق انىقتالىپ، ءتيىستى شارالار قابىلداندى.
وبلىس اۋماعىندا قىلمىستار مەن قۇقىق بۇزۋشىلىقتاردىڭ الدىن الۋ بويىنشا جۇمىستار جالعاسۋدا، جەدەل-الدىن الۋ شاراسى اعىمداعى جىلدىڭ 10 - جەلتوقسانىنا دەيىن جالعاسپاق.
