قازاقستان جالاقىنى كوپ تولەيتىن ەلدەر تىزىمىندە 86- ورىندا قالىپ قويدى

استانا. قازاقپارات - الەم ەلدەرىندەگى جالاقى مولشەرىن انىقتاعان قۇزىرلى ورگاندار قاي ەلدە ەڭ جوعارى جالاقى تولەنەتىنىن جاريا ەتتى.

قازاقستان بۇل تىزىمدە كوش ورتاسىنا جايعاسقان. بۇل تۋرالى investorschool.ru سايتى حابارلايدى.

ءتىزىمدى حالىقارالىق ەڭبەك ۇيىمى، ەۋروستات پەن ۇلتتىق ستاتيستيكالار جانە ەكونوميكالىق ىنتىماقتاستىق پەن دامۋ ۇيىمى قۇرعان.

ولاردىڭ مالىمەتىنە سايكەس، 2017-جىلى جالاقىسى ەڭ جوعارى ەل بولىپ شۆەيتساريا تانىلعان (ءبىر قىزمەتكەرگە 3855 دوللار جالاقى). العاشقى ۇشتىككە نورۆەگيا (3781 دوللار) مەن ليۋكسەمبۋرگ (3565 دوللار) ەلدەرى ەنىپتى.

ال جالاقىسى ەڭ تومەن ەل زيمبابۆە بولىپ شىقتى. وندا ءبىر جۇمىسشى ايىنا 21 دوللار عانا جالاقى الادى.

رەسەي ايىنا 615 دوللار جالاقىمەن 157 ەلدىڭ ىشىندە 69 ورىنعا جايعاسسا، قازاقستان ايىنا 480 دوللار جالاقىمەن 86 ورىننان كورىندى.