19:47, 11 - قاراشا 2015 | GMT +5
قوشقار 86 جاستاعى قارتتى ءسۇزىپ ءولتىردى
استانا. قازاقپارات - رەسەيدىڭ ستاۆروپول ولكەسىنىڭ تەرگەۋ كوميتەتى قارت ادامنىڭ ءولىمى فاكتىسى بويىنشا تەكسەرىس جۇرگىزۋدە.
86 جاستاعى جەرگىلىكتى تۇرعىن جەكەمەنشىك تۇرعىن ءۇيدىڭ اۋلاسىندا باسىنا جانە دەنەسىنە كوپتەگەن زاقىمدار سالىنعان كۇيىندە تابىلدى.
الدىن الا بولجام بويىنشا، قاريا كورشىنىڭ قوشقارى سالعان جاراقاتتاردان كوز جۇمدى.
مەرت بولعان ەر ادامنىڭ دەنەسى وتكەن اپتادا ارحانگەلسكوە اۋىلىنداعى جەكەمەنشىك تۇرعىن ءۇيدىڭ اۋلاسىنان تابىلدى. 86 جاستاعى قارتتىڭ دەنەسىنەن كوپتەگەن جاراقاتتار انىقتالدى. ولكەنىڭ تەرگەۋ كوميتەتىنىڭ حابارلاماسى بويىنشا، زەينەتكەر كورشىسىنىڭ قوشقارى سالعان جاراقاتتاردان قازا تاپقان.
