ەۋرو توپ گرەكياعا 86 ميلليارد ەۋرو قارجىلاي كومەك كورسەتۋگە كەلىستى

استانا. قازاقپارات - حالىقارالىق كرەديتورلار الداعى ءۇش جىلدا گرەكياعا 86 ميلليارد ەۋرو بەرۋگە كەلىستى.
None
None

ەۋروايماق ەلدەرىنىڭ قارجى مينيسترلەرى جۇما كۇنى قارىز داعدارىسى جاعدايىن باسىنان كەشىپ وتىرعان گرەكياعا كومەك كورسەتۋ جاڭا باعدارلاماسىنىڭ ەگجەي- تەگجەيلەرىن التى ساعاتتان استام ۋاقىت تالقىلادى.

«ءبىز وڭ ناتيجەگە قول جەتكىزىپ، سوڭعى كەلىسپەۋشىلىكتەردى جويدىق»، - دەدى ەۋروتوپ ءتوراعاسى يەرۋن دەيسسەلبلۋم.

قارجىلىق كومەك ءۇشىن گرەكيا بۇعان دەيىن ءبىرقاتار رەفورمالاردى وتكىزۋگە كەلىسكەن، سونىڭ ىشىندە زەينەتاقى جاسىن ءوسىرۋ، جەكەشەلەندىرۋ، سالىقتى كوبەيتۋ جانە شىعىنداردى قىسقارتۋ شارالارى بار.

كومەكتىڭ جاڭا باعدارلاماسى اياسىندا گرەكيا ءبىرىنشى ترانشتى تامىز ايىنىڭ سوڭىندا الۋى ىقتيمال، دەپ جازادى بي- بي- سي.

جۇما كۇنى گرەكيا پارلامەنتىنىڭ دەپۋتاتتارى ءتۇنى بويى جانە تاڭعا دەيىن سوزىلعان تالقىلاۋدان كەيىن ەۋرو وداقتىڭ 86 ميلليارد ەۋروعا باعالانىپ وتىرعان كومەگىنىڭ جاڭا، ءۇشىنشى توپتاماسىنىڭ تالاپتارىن ماقۇلدادى.

 وعان سايكەس 25 ميلليارد ەۋرو گرەكيالىق بانكتەردى قايتا كاپيتالداندىرۋعا جىبەرىلەدى.

سوڭعى جاڭالىقتار