ەلوردا حالقىنىڭ سانى 867 مىڭنان استى

استانا. قازاقپارات - بۇگىنگى كۇندە استانا قالاسى حالقىنىڭ سانى  867790 ادامدى قۇرايدى. سونىڭ ىشىندە «الماتى» اۋدانى بويىنشا -  381470 (%44) ، «ەسىل» اۋدانى بويىنشا -  134472 (%15,5) ، «سارى ارقا» اۋدانى بويىنشا -  351848 (%40,5) ادامدى قۇرادى.

استانا قالاسى ستاتيستيكا دەپارتامەنتىنىڭ حابارلاۋىنشا، 2015 - جىلدىڭ باسىمەن سالىستىرعاندا استانا قالاسى حالقىنىڭ جالپى سانى  14908 ادامعا، سونىڭ ىشىندە «الماتى» اۋدانى بويىنشا - 1616 ادامعا، «ەسىل» اۋدانى بويىنشا - 7644 ادامعا، «سارى ارقا» اۋدانى بويىنشا - 5648 ادامعا كوبەيدى.

جىل باسىنان بەرى حالىقتىڭ تابيعي ءوسىمى  14523 ادامدى، كوشى- قون ءوسىمى 385 ادامدى قۇرادى.

استانا قالاسى بويىنشا اعىمداعى جىلى جالپى العاندا  17129 تۋىلعاندار تىركەلدى، بۇل وتكەن جىلعى سايكەس كەزەڭمەن سالىستىرعاندا %7,9- عا كوپ. سونىمەن قاتار، حالىقتىڭ تابيعي ءوسىمى وتكەن جىلعى قاڭتار- تامىزبەن سالىستىرعاندا 7,5 پايىزعا ارتىپ، 14523 ادامدى قۇرادى.