الماتى حايۋاناتتار باعىنىڭ قۇرىلعانىنا 85 جىل تولدى

الماتىدا حايۋاناتتار باعى 1937-جىلى 7 - قاراشادا اشىلدى. سودان بەرى قالا قوناقتارى مەن تۇرعىندارىنىڭ سۇيىكتى ورنى بولىپ كەلەدى.

«الماتىداعى حاايۋاناتتار باعى ءتىپتى ەكىنشى دۇنيەجۇزىلىك سوعىس كەزىندە دە جابىلعان جوق. زووباق اشىلعان جىلى جانۋاردىڭ تەك 70 ءتۇرى بولدى. ول كەزدە الماتىعا جانۋارلار ماسكەۋ، اشحاباد، لەنينگراد حايۋاناتتار باعىنان اكەلىنەتىن. قازىرگى ۋاقىتتا الماتى حايۋاناتتار باعىندا 3998 جانۋار جانە ولاردىڭ 372 ءتۇرى مەكەن ەتەدى. زووباقتا قازىر جاسى ەڭ ۇلكەن جانۋار - قولتىراۋىن. بيىل ول 50 گە تولدى»، - دەپ حابارلادى قالالىق مادەنيەت باسقارماسىندا.

ال زووباقتىڭ باسپا ءسوز قىزمەتى جاسالعان جۇمىستار مەن الداعى جوسپارلارى تۋرالى ءمالىم ەتتى.

بۇرىندا زووباقتا ارىستاندار مەن قولتىراۋىن، جىلان، توتىقۇستارعا ارنالعان ءبىر عانا قىسقى جاي بولعان. قازىرگى ۋاقىتتا ءار جانۋاردىڭ قىسقى تۇراعى بار.

«سوڭعى ۋاقىتتا ءبىز ايۋلارعا، قاسقىرلار مەن جولبارىستارعا ارناپ كەڭ ۆولەرلەر سالدىق. زووباق اۋماعىنداعى كولشىكتەرگە كۇردەلى جوندەۋلەر جۇرگىزدىك. الداعى ۋاقىتتا پىلدەرگە، ءمۇيىزتۇمسىقتار مەن سۋسيىرلارعا ارناپ كەڭ جازعى جانە قىسقى تۇراق سالامىز. سونىمەن قاتار، جاڭا ۆەتەرينارلىق ءبولىم، جەم- قورەك ءبولىمى مەن جەمىس- جيدەك ساقتايتىن قويما سالامىز»، - دەپ حابارلادى زووباقتتىڭ باسپا ءسوز قىزمەتى.

اۆتور

دۋمان ارعىنگەلدى