تالدىقورعاندا كوروناۆيرۋس جۇقتىرعان پوليتسەيدىڭ 85 ارىپتەسى ءۇي كارانتينىنە جاتقىزىلدى
باتالون كومانديرىنىڭ قازىرگى جاعدايى تۇراقتى. بۇل تۋرالى باسپا ءسوز ءماسليحاتىندا وبلىستىڭ باس سانيتارلىق دارىگەرى قايرات بايمۇحانبەتوۆ مالىمدەدى. قازىرگى تاڭدا ناۋقاس ەڭبەكشى قازاق اۋدانىنداعى جۇقپالى اۋرۋلار اۋرۋحاناسىنا جاتقىزىلدى.
«ول جەدەل رەسپەراتورلىق ينفەكسيا دياگنوزىمەن دارىگەرلەر كومەگىنە ءوزى جۇگىنگەن. ءتارتىپ ساقشىسىمەن وتە جاقىن قارىم قاتىناستا بولعان وتباسى مەن اتا- انالارى بارلىعى 11 ادام ستاتسيونارلىق كارانتينگە وقشاۋلاندى. 85 ارىپتەسى ءۇي كارانتينىنە جاتقىزىلدى. بارلىعىنان سىناما الىندى، ناتيجەلەرى ءبىراز ۋاقىتتا دايىن بولادى»، - دەدى قايرات بايمۇحانبەتوۆ.
سونداي- اق وبلىستىڭ باس سانيتارلىق دارىگەرى ءبىر ادامعا بولا تالدىقورعان قالاسىن قايتا كارانتينگە جابىلمايتىنىن اتاپ ءوتتى. ەگەر شاھاردا ەپيدەميولوگيالىق احۋال كۇردەلەنسە وبلىس ورتالىعىندا كارانتيندىك شارالار بەلگىلەنگەن الگوريتمگە سايكەس كۇشەيتىلەدى.
اۆتور: سامال قابىشيەۆا
