07:31, 25 - تامىز 2017 | GMT +6
الماتى وبلىسىندا 85 گەكتار جەر ورتكە وراندى - فوتو
تالدىقورعان. قازاقپارات- الماتى وبلىسىندا 85 گەكتار جەر ورتكە وراندى.
ءتىلسىز جاۋ جامبىل اۋدانىنا قاراستى قارعالى سەلولىق وكرۋگىنىڭ «ۇزىنقارعالى» شاتقالى اۋماعىن شارپىدى، دەپ حابارلايدى قازاقپارات ءتىلشىسى.
«ۇزىنقارعالى» شاتقالى اۋماعىندا قۇرعاق ءشوپتىڭ ورتەنىپ جاتقاندىعى جونىندە اقپارات وبلىستىق ت ج د- نە 23- تامىز كۇنى ساعات 14:42 دە تۇسكەن. ال، قىزىل جالىن 24- تامىز كۇنى كەشكى ساعات 17:18 دە ءسوندىرىلدى. دالا ءورتىن اۋىزدىقتاۋعا توتەنشەلىكتەر، اسكەريلەر مەن اۋىل تۇرعىندارى جۇمىلدىرىلدى.
جالپى جىل باسىنان بەرى الماتى وبلىسىندا 9 دالا ءورتى تىركەلگەن. توتەنشەلىكتەر، تۇرعىندارعا تابيعات اياسىنا شىققاندا ءورت قاۋىپسىزدىك ەرەجەلەرىن قاتاڭ ساقتاۋدى ەسكەرتەدى.