اۋىر اتلەتيكادان 85 كەلىدە ەكى الەم رەكوردى جاڭاردى
يران استاناسى تەگەراندا ءوتىپ جاتقان حالىقارالىق «Fajr Cup» ىرىكتەۋ گران-پري تۋرنيرىندە جەرگىلىكتى سپورتشى كيانۋش روستامي وسىعان دەيىنگى رەكوردتارعا جاڭارتۋ ەنگىزدى.
يراندىق اۋىر اتلەت 85 كەلىگە دەيىنگى سالماقتا ەكى بىردەي رەكورد جاڭارتتى. الدىمەن سەرپە كوتەرۋدە 220 كەلىنى باسىنان اسىرىپ، 1998-جىلعى قىتاي سپورتشىسى چجان يۋن (218 كەلى) ورناتقان رەكوردتان اسىپ ءتۇستى. ال قوسسايىستا 395 كەلىمەن 2008-جىلى پەكين وليمپياداسىندا رەكورد جاساعان بەلارۋس اندرەي رىباكوۆتىڭ (394 كەلى) رەكوردىنا تۇزەتۋ ەنگىزدى.
كيانۋش روستامي - تانىمال يراندىق اۋىر اتلەتتەردىڭ ءبىرى. 2014-جىلى الماتىدا وتكەن الەم چەمپيوناتىنا قاتىسىپ، قوسسايىستا 391 (178+213) كەلىمەن جەڭىس تۇعىرىنان كورىنگەن بولاتىن. ال وعان دەيىن پاريجدەگى (2011-جىل) الەم چەمپيوناتىندا جەڭىسكە جەتكەن. لوندون وليمپياداسىنىڭ قولا جۇلدەگەرى.
ايتا كەتەيىك، تەگەرانداعى تۋرنيرگە الەكسەي ني باستاعان قازاقستان قۇراماسى ەكى سپورتشىمەن اتتانعان بولاتىن. الەم رەكوردى جاڭارعان 85 كەلىگە دەيىنگى سالماقتا ميحايل ماكەيەۆ ونىنشى ورىن السا، 94 كەلىگە دەيىنگى سالماقتا سەمەن ليندەر ءتورتىنشى ورىن الدى.
Massaget.kz
