14:24, 27 - قاراشا 2015 | GMT +5
شىمكەنت اۋەجايىندا تۇركيادان 85 كەلى زەرگەرلىك بۇيىمدى زاڭسىز اكەلگەن جولاۋشى ۇستالدى
استانا. قازاقپارات - شىمكەنت اۋەجايىندا تۇركيادان سالماعى 85 كەلىدەن اساتىن زەرگەرلىك بۇيىمدى كونتراباندالىق جولمەن تاسىمالداعان جولاۋشى ۇستالدى،
دەپ حابارلادى ق ر ۇ ق ك شەكارا قىزمەتىنىڭ باسپا ءسوز قىزمەتىنەن.
«26 - قاراشادا، «شىمكەنت - اۆيا» شەكارالىق باقىلاۋ ءبولىمىنىڭ شەكاراشىلارى ساعات 07:15-تە VSV 486 ىستامبۇل - شىمكەنت باعىتىنداعى رەيس جولاۋشىلارىن تەكسەرۋ كەزىندە 39 جاستاعى ق ر ازاماتىن زەرگەرلىك بۇيىمداردىڭ ءىرى پارتياسىمەن - 56, 968 ك گ كۇمىس جانە 28,706 ك گ التىنمەن ۇستادى»، - دەلىنگەن حابارلامادا.
باستاپقىدا كەدەندىك دەكلاراتسيادا رەيس جولاۋشىسى ەلگە اكەلگەن تاۋارى كۇمىستەن جاسالعان بۇيىمدار دەپ ايتقان.
ۇستاۋ فاكتىسى بويىنشا ماتەريالداردى و ق و بويىنشا ك ب د ەكونوميكالىق تەرگەۋ قىزمەتىنە تاپسىرۋ كوزدەلگەن.
