ءشامشى قالداياقوۆتىڭ جانۇياسى اقتوبە وبلىسىنداعى «ۆالس كورولىنىڭ» 85 جىلدىعىنا ارنالعان شاراعا قاتىستى - فوتو

اقتوبە. قازاقپارات - بەلگىلى كومپوزيتوردىڭ قۇرمەتىنە ارنالعان شاراعا ونىڭ جارى ءجاميلا تولەباي قىزى مەن ۇلدارى ءابىلقاسىم مەن مۇحتار كەلدى.

شارانى ءشامشى قالداياقوۆتىڭ اقتوبەلىك قورى مەن ع. جۇبانوۆا اتىنداعى وبلىستىق فيلارمونيا ۇيىمداستىردى.

قالداياقوۆتار جانۇياسى مۇعالجار اۋدانى اۋماعىنداعى بۇرىنعى «تەمىر» كەڭشارىندا بولدى. مۇندا ءشامشى قالداياقوۆ كاسىبي ءبىلىم العان سوڭ زووتەحنيك بولىپ قىزمەت ەتكەن. وسى جەردەن اسكەرگە كەتتى.

سونىمەن قاتار ءشامشى، بادامشا، قۇمساي اۋىلدارىندا كونسەرتتەر ۇيىمداستىرىلىپ، اس بەرىلدى.

«اۋەندى جازۋعا دايىندالاتىن، شابىتتاناتىن. ونىڭ اندەرى جەر-جەردە شىرقالدى. كەيبىر جاندار اكەمدى كوشەدە كورگەن ساتتە قۇشاقتاپ امانداساتىن»، - دەدى ءجاميلا قالداياقوۆا. قالداياقوۆتىڭ ەكى ۇلى دا ك. بايسەيىتوۆا اتىنداعى ارنايى مەكتەپتى ءتامامدادى: ءابىلقاسىم - پيانينوشى، مۇحتار - سكريپكاشى. اكەسىنىڭ مۋزىكاعا دەگەن سۇيىسپەنشىلىگى ۇلدارىنا دا دارىعان بولار.