قىتاي حالقىنىڭ سانى 850 مىڭ ادامعا ازايدى

بەيجىڭ. قازاقپارات - وتكەن جىلى قىتاي حالقىنىڭ سانى 1,411 ميلليارد ادامعا دەيىن قىسقاردى، بۇل 2021 -جىلمەن سالىستىرعاندا 850 مىڭ ادامعا از.

بۇل تۋرالى ق ح ر مەملەكەتتىك ستاتيستيكا باسقارماسىنىڭ ديرەكتورى كان ي ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2022 -جىلدىڭ سوڭىنا قاراي ەلدەگى حالىق سانى 1411750000 ادامدى قۇراپ، 2021 -جىلمەن سالىستىرعاندا 850 مىڭعا ازايعان. ەرلەر سانى - 722,06 ميلليون، ايەلدەر - 689,69 ميلليون ، 16 مەن 59 جاس ارالىعىنداعى ەڭبەككە جارامدى ادامدار سانى - 875,56 ميلليون، 60 جاستان اسقان ازاماتتار - 280,04 ميلليون.

قالا تۇرعىندارىنىڭ سانى 920,71 ميلليون بولسا، اۋىلدىق جەرلەردە تۇراتىندار 7,31 ميلليونعا ازايىپ، 491,04 ميلليون بولدى.

فوتو: Shutterstock

اۆتور

سماعۇلوۆا ەركەجان