ەلباسى قورى 850 مىڭ ادامعا كومەك كورسەتتى

«وسى جولى فورۋم بەينەكونفەرەنسيا فورماتىندا وتۋدە. ەشبىر تەحنيكالىق پروگرەسس جەكە قاۋىشىپ، قول الىسىپ قارىم- قاتىناس جاساۋدىڭ باعا جەتپەس مۇمكىندىگىنە جەتپەيدى. بارلىعىمىز ءبىر- ءبىرىمىزدى ساعىنامىز جانە ەپيدەميانى جەڭىپ، ءومىرىمىز بۇرىنعى قالپىنا قايتا ورالاتىنىنا سەنىمدىمىز. بيىلعى جىل ەلىمىز ءۇشىن جانە اربىرەۋىمىز ءۇشىن ۇلكەن سىناق جىلى بولدى. پاندەميانىڭ قارا بۇلتى ادامداردىڭ دەنساۋلىعىنا نۇقسان كەلتىرىپ، ومىرلەرىن قيىپ، الەمگە قاۋىپ- قاتەر ءتوندىردى»، - دەدى ول «جاڭا جاعدايداعى جاستار: ءىس- قيمىل كەزەڭى» اتتى ونلاين فورۋمنىڭ اشىلۋىندا.

وسى رەتتە داريعا نازاربايەۆا جاقىندارىنان ايىرىلعان ادامدارعا كوڭىل ايتتى. «بۇل وتە قاتال ورنى تولماس قايعى. باسقاسىنىڭ بارلىعىن ورنىنا قايتا كەلتىرۋگە بولادى. مەن قازاقستان جاستار كونگرەسىنىڭ بارلىق بەلسەندىلەرىنە، ەرىكتىلەرگە بارلىعىمىز ءۇشىن وسىنداي قيىن كەزەڭدە ادامدارعا ادال نيەتپەن قول ۇشىن بەرىپ كومەك كورسەتكەندەرى ءۇشىن زور قۇرمەتپەن العىس ايتام. ءبىزدىڭ ەرىكتىلەر ەلباسىمىزدىڭ باستاماسى - #BIZBIRGEMIZ جوباسىن ءساتتى ىسكە اسىرۋ ءۇشىن كوپ جۇمىس اتقاردى. مىڭداعان مەكەنجايلارعا ازىق- تۇلىك، ءدارى- دارمەكتەر، سانيتارلىق قۇرال- جابدىقتار جەتكىزىلدى. ءبىرىنشى كەزەكتە ەرەكشە قاجەتتىلىگى بار ادامدارعا، مۇقتاج كوپبالالى وتباسىلارعا، الەۋمەتتىك مەكەمەلەرگە جەتكىزىلدى. وسى كەزەڭدە، كوكتەمدە ەلىمىزدىڭ بارلىق تۇرعىندارىنىڭ بىرلىگىن، بارلىعىمىزدىڭ بىرگە ەكەندىگىمىزدى سەزىنۋ وتە ماڭىزدى بولدى»، - دەدى داريعا نۇرسۇلتان قىزى.

ونىڭ اتاپ وتۋىنشە، بۇل ىسكە جەكە تۇلعالار، قوعامدىق ۇيىمدار، جەكە كومپانيالار اتسالىستى. «ەلباسى قورى، ونىڭ نەگىزىن قالاۋشىنىڭ تاپسىرماسى بويىنشا، 850 مىڭ ادامعا كومەك كورسەتتى. قازاق ەلى جومارت ادامدارعا باي. ءبىز ولاردىڭ مارتتىگى مەن قايىرىمدىلىعى ءۇشىن زور ريزاشىلىعىمىزدى بىلدىرەمىز. ءبىزدىڭ تاماشا جاستارىمىز بار. ەلگەزەك! جومارت! جانكەشتى! مەن سەندەردى ماقتان تۇتام!»، - دەدى ول.

اۆتور: مارلان جيەمباي