گۇلنار كارىموۆانىڭ 850 ميلليون دوللارى وزبەكستان حالقىنا تاراتىلماق

بۇل تۋرالى centralasian.org حابارلايدى.

كارىموۆانىڭ ەسەپشوتىن ا ق ش ادىلەت مينيسترلىگى وسى جىلدىڭ باسىندا جاۋىپ تاستاعان ەدى.

وماروۆتىڭ ويىنشا، تەك وزبەكستان ۇكىمەتى اقشانىڭ كوررۋپتسيامەن كۇرەسكە جۇمسالا الاتىنىنا كەپىل بەرە السا عانا ەسەپشوتتىڭ اشىلۋى مۇمكىن ەكەنىن ايتتى. وسى ماقساتتا ول ارنايى قور قۇرۋ تۋرالى دا ۇسىنىس بىلدىرگەن.

وپپوزيتسيالىق ساياساتكەر اقشانى رەسمي تاشكەنتكە قايتارۋ قاجەت ەمەس دەپ ەسەپتەيدى.

وزبەك ساياسي ەميگرانتتارى توبى Change.org سايتىندا اقش بيلىگى مەن ەۆروپا ەلدەرىنە باعىتتالعان پەتيتسيا جازىپ، 850 ميلليون دوللاردى وزبەكستانعا مۇلدە قايتارماۋ تۋرالى ۇندەۋ تاستاۋدا.

ا ق ش سوتى امەريكالىق جانە وزبەكستاندىق تاراپقا بۇل اقشا ماسەلەسى توڭىرەگىندە 2017 -جىلدىڭ 1 -قاڭتارىنا دەيىن ءوزارا كەلىسىم جاساۋعا مۇمكىندىك بەرىپ وتىر.

بۇعان دەيىن ءبىرقاتار ب ا ق گۇلنار كارىموۆانىڭ ۋلانىپ ءولۋىن قايتادان جوققا شىعارعان ەدى.

قازان ايىنىڭ باسىندا تۆيتتەردە گۇلنار كارىموۆانىڭ اتىمەن اككاۋنت پايدا بولعان. الايدا جۋرناليستەر اتالمىش اككاۋنت جالعان دەيدى.

گۇلنار كارىموۆا 1972 -جىلى تۋعان. وزبەكستاندا ءبىراز مەملەكەتتىك قىزمەتتە ىستەگەن. 2013 -جىلى ءىرى قارجىلىق شۋدىڭ ورتاسىندا قالىپ، كەيىن ءۇي قاماققا الىنعان. ول بيىلعى جىلى قايتىس بولعان اكەسى يسلام كارىموۆتىڭ دا جەرلەۋ راسىمىنە قاتىسپادى.