قازاقستاندا 84 مىڭنان استام ستۋدەنت جاتاقحاناعا مۇقتاج

ونىڭ ىشىندە الماتى قالاسىندا 40 مىڭنان استام ستۋدەنتكە جاتىن ورىن قاجەت. بۇل تۋرالى بريفينگ بارىسىندا «قارجى ورتالىعى» ا ق ىلگەرىلەتۋ جانە سىرتقى كوممۋنيكاتسيا دەپارتامەنتىنىڭ ديرەكتورى اينۇر ساعىندىقوۆا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2018 -جىلدان باستاپ جەكەمەنشىك سەكتوردىڭ اۋقىمدى قاتىسۋىن كوزدەيتىن مەملەكەتتىك تاپسىرىس تەتىگى ازىرلەندى.

« ءبىز ينۆەستورلار مەن جەكە كاسىپكەرلەردى مەملەكەتتىڭ قارجىلىق قولداۋىمەن ستۋدەنتتىك جاتاقحانا قۇرىلىسىنا قارجى سالۋعا شاقىرامىز. بۇل جوباعا الەۋمەتتىك نىساندى سالۋشى رەتىندە عانا ەمەس، تابىستى جانە كەلەشەگى مول بيزنەس جوبا رەتىندە قاراعان ءجون»، - دەيدى ول.

سونىمەن قاتار، سپيكەر، اسىرەسە الماتىلىق ستۋدەنتتەر جاتاقحانا مۇقتاج ەكەنىن ايتتى.

«قازىرگى ۋاقىتتا ەلىمىز بويىنشا 84 مىڭنان استام ستۋدەنت جاتاقحاناعا مۇقتاج. ونىڭ ىشىندە الماتى قالاسىندا 40 مىڭنان استام ستۋدەنتكە جاتاقحانا قاجەت. سەبەبى، جوعارى وقۋ ورنىدارىنىڭ باسىم بولىگى الماتىدا. ايتا كەتەيىن، بۇل باستاماعا 152 ميلليارد تەڭگە قاراستىرىلعان»، - دەدى ول.

بۇعان دەيىن، پارلامەنت ءماجىلىسىنىڭ دەپۋتاتى ءمادي احمەتوۆ ستۋدەنتتەر جاتاقحاناسىنا قاتىستى ءبىرقاتار ۇسىنىس ايتقان بولاتىن.