اتىراۋ وبلىسىندا 84 سابيگە «ءسۇيىنشى» سىيقورابى تابىس ەتىلدى
«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- نىڭ اتىراۋ وبلىسى بويىنشا فيليالىنىڭ ديرەكتورى مۋسا حايرۋلليەۆتىڭ ايتۋىنشا، 84 سابيگە تابىستالعان «ءسۇيىنشى» سىيقورابىندا پرەزيدەنت قاسىم-جومارت توقايەۆتىڭ قۇتتىقتاۋ تىلەگى جازىلعان اشىق حات، «تاۋەلسىز قازاقستانعا 30 جىل» مونەتاسى مەن بالانىڭ تۋۋى تۋرالى كۋالىگى سالىنعان. «پرەزيدەنتتىڭ قۇتتىقتاۋ حاتىندا «اينالايىن، بوبەك! سەنىڭ تۋعان كۇنىڭ ەلىمىزدىڭ ەڭ باستى مەرەكەسىمەن تۇسپا-تۇس كەلدى. ءوزىڭ دۇنيە ەسىگىن اشقان كەزدە حالقىمىز قاستەرلى تاۋەلسىزدىگىنىڭ 30 جىلدىعىن اتاپ ءوتىپ جاتتى. ساعان باقىتتى ءارى ۇزاق عۇمىر تىلەيمىن!» دەپ جازىلعان.
بۇل قۇتتىقتاۋ حات 16 جانە 17-جەلتوقساندا تۋعان بالالاردىڭ ەلگە ادال قىزمەت ەتەتىن وتانشىل بولىپ وسۋىنە ىقپال ەتەدى.
اتىراۋ وبلىسىندا وسىنداي «ءسۇيىنشى» سىيقوراپتى 84 سابيگە تابىستادىق. مەرەكە كۇندەرى اتىراۋ قالاسىندا 73، جىلىوي اۋدانىندا 4، قىزىلقوعادا - 3، قۇرمانعازىدا - 2، ماقاتتا - 1، يندەر اۋدانىندا 1 نارەستە ومىرگە كەلدى»، - دەيدى مۋسا حايرۋلليەۆ.
ەسكە سالا كەتەلىك، بۇعان دەيىن اتىراۋ وبلىسىندا تاۋەلسىزدىك مەرەكەسى كۇندەرى 56 ءسابي ومىرگە كەلگەنىن حابارلاعان بولاتىنبىز.
