14:30, 17 - ناۋرىز 2021 | GMT +6
ەلوردادا 84 جاستاعى قاريانى پىشاقپەن قورقىتىپ، توناپ كەتتى
نۇر-سۇلتان. قازاقپارات - ەلوردادا 84 جاستاعى قاريانى سوڭىنان اڭدىپ ءجۇرىپ توناعان كۇدىكتى ۇستالدى، دەپ حابارلايدى قازاقپارات ءتىلشىسى.
نۇر-سۇلتان قالاسىنىڭ پوليتسيا دەپارتامەنتىنىڭ حابارلاۋىنشا، كۇدىكتى قاريانىڭ سوڭىنا بانكتەن دەپزيتتەگى اقشاسىن الىپ شىققان بويدا تۇسكەن. دارىگە دەپ شەشكەن 300 مىڭ تەڭگەسىن الىپ، قاريا بۇرىن ءوزى كۇزەتشى بولىپ جۇمىس ىستەگەن عيماراتقا كىرەدى.
وسى ساتتە ارتىنان بەيتانىس ادام كەلىپ قۇلاتادى دا، ۇستەلدەگى پىشاقتى قارياعا وقتاپ، اقشاسىن تارتىپ الادى.
«كۇدىكتى كوپ وتپەي قولعا ءتۇستى. 42 جاستاعى ەلوردا تۇرعىنى بۇرىن دا بىرنەشە رەت سوتتالعانى بەلگىلى بولدى. ول كىناسىن مويىنداپ وتىر. قازىر وسى وقيعا بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا الىندى. ونىڭ وسىعان ۇقساس باسقا دا قلىمىستارعا قاتىستىلىعى تەكسەرىلىپ جاتىر»، - دەپ جازادى دەپارتامەنتتىڭ باسپا ءسوز قىزمەتى.
اۆتور: ەسىمجان ناقتىباي