استانادا بالاباقشامەن قامتۋ 84,2 پايىزعا جەتتى

استانا. قازاقپارات - 2016 - جىلى استانا قالاسىندا 3-تەن 6 جاسقا دەيىنگى بالالاردى بالاباقشامەن قامتۋ دەڭگەيى 64,5 پايىزدان 84,2 پايىزعا جەتتى.

 بۇل تۋرالى بۇگىن بريفينگ بارىسىندا ب ا ق وكىلدەرىنە استانا قالاسى ءبىلىم باسقارماسىنىڭ باسشىسى قاسىمحان سەنعازيەۆ ءمالىم ەتتى.

«بۇگىنگى تاڭدا  49472 بالانى قامتيتىن ءتۇرلى ۇلگىدەگى 260 مەكتەپكە دەيىنگى مەكەمە جۇمىس ىستەيدى. ونىڭ ىشىندە 95 مەملەكەتتىك، 2 ۆەدومستۆولىق، 115 جەكەمەنشىك، 48 شاعىن ورتالىق»، - دەيدى ول.

ونىڭ سوزىنشە، قازىرگى ۋاقىتتا استانا قالاسىندا 3-تەن 6 جاسقا دەيىنگى 25,5 مىڭ بالا بالاباقشا كەزەگىندە تۇر. ال 0-دەن 6 جاسقا دەيىن 78 مىڭنان استام بالا كەزەك تىزىمىنە ەنگىزىلگەن.

سەنعازيەۆ 2017 -جىلدان باستاپ، بالاباقشالارعا جولدامالار ەلەكتروندىق تۇردە e.astana.kz سايتى ارقىلى بەرىلەتىنىن حابارلادى. ياعني، اتا- انالار ۇيلەرىنەن شىقپاي- اق بالاباقشالارعا ارنالعان جولدامالارعا يە بولا الادى.

اۆتور: جاسۇلان جولدىبايەۆ