نيسسادا 84 ادامدى باسقان لاڭكەستى توقتاتپاق بولعان ادامعا جەلىدە 21 مىڭ ەۋرو جينالدى
تاسس مالىمەتى بويىنشا، «قاھارماندارعا موتوروللەر» اكسياسىن عالامتور ارقىلى مانش دەپارتامەنتىنىڭ ەكى تۇرعىنى باستاعان. جينالعان قاراجات قاجەتتى سومادان اسىپ كەتكەن، شامامەن 21 مىڭ ەۋرو.
الايدا قاراجات جيناۋ ءالى دە جالعاسۋدا، ءبىراق اقشانىڭ ءبىر بولىگى تەراكت سالدارىنان زارداپ شەككەندەر جاتقان نيسسا ەمحانالارىنا اۋدارىلادى ەكەن.
ەسكە سالايىق، 14 -شىلدەدە نيسسا اۋەجايىنىڭ كەدەن قىزمەتكەرى اعىلشىن جاعالاۋىندا بولعان، ول وندا ايەلىمەن مەرەكەلىك وتشاشۋلاردى تاماشالاعان. جاعالاۋعا جۇك كولىگىنىڭ كىرىپ كەتكەنىن جانە جۇرگىزۋشىنىڭ ادامداردى ادەيى باسىپ جاتقانىن كورىپ فرانك سكۋتەرىنە وتىرىپ، ونى قۋىپ جەتكەن. جۇك كولىگىنىڭ باسقىشىنا سەكىرىپ، موتوروللەردى دوڭگەلەكتىڭ استىنا باعىتتاعان، الايدا سونىڭ ءوزى دە جۇك كولىگىن توقتاتپاعان.
اشىق تۇرعان تەرەزەدەن فرانك جۇرگىزۋشىگە بىرنەشە رەت سوققى جاساعان، ال قارسىلاسى ونى اتپاق بولعان. الايدا قۋانىشقا وراي، قارۋ اتىلماي قالعان. سودان كەيىن جۇك كولىگى توقتاعان، ونى پوليتسەيلەر قورشاۋعا الىپ، ارتىنشا لاڭكەستىڭ كوزىن جويعان.
نيسسا قالاسى مەردىڭ ورىنباسارى جانە پروۆانس- الپ- كوكشىل جاعالاۋ وڭىرلەرىنىڭ باسشىسى كريستيان ەستروزي فرانكتى كورسەتكەن ەرلىگى ءۇشىن ماراپاتتادى. كوپشىلىك فرانكقا قۇرمەتتى لەگيون وردەنىن بەرۋگە لايىقتى دەپ سانايدى.
Kaz.tengrinews.kz
