اۆتوبۋستا ماسكا تاعۋدان باس تارتقان قىزعا 83 مىڭ تەڭگە ايىپپۇل سالىندى
پوليتسيا قوعامدىق كولىكتەردەگى كارانتين شارالارىن بۇزۋ دەرەكتەرىن باقىلاۋعا الدى. بۇل ۆيدەو الەۋمەتتىك جەلىدە جاريالاندى. ماسكاسىز وتىرعان ءۇشىن قىزعا اۆتوبۋس جولاۋشىلارى، جۇرگىزۋشىسى ەسكەرتۋ جاساعان. ءوزىن بەينەكامەراعا تۇسىرە باستاعاندا قىز اشۋلانىپ بىلاپىت ءسوز ايتىپ، تەلەفوندى لاقتىرعان. جەرگىلىكتى پوليتسيا قىزمەتى باسقارماسى تەكسەرۋ جۇرگىزدى، ونىڭ بارىسىندا قىزدىڭ كىم ەكەندىگى انىقتالدى.
«زاڭعا سايكەس شارا قولدانۋ ءۇشىن ول پوليتسياعا جەتكىزىلدى. بۇل 22 جاستاعى الاتاۋ اۋدانىنىڭ تۇرعىنى بولىپ شىقتى. وعان بىردەن ەكى اكىمشىلىك ءىس قوزعالدى. ق ر ا ق ب ك- ءنىڭ 425 -بابى «حالىقتىڭ سانيتارلىق- ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي- اق گيگيەنالىق نورمالاردى بۇزۋ» بويىنشا 83 مىڭ تەڭگە كولەمىندە ايىپپۇل سالىندى (30 ا ە ك). سونىمەن قاتار، ق ر ا ق ب ك- ءنىڭ 434 -بابى - ۇساق بۇزاقىلىق بويىنشا ماتەريالدار شەشىم قابىلداۋ ءۇشىن الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلەدى»، - دەدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.
